→ كل الوصفات
انا دوقت الوصفة ديه عند واحدة صاحبتي و عجبتني جداً و بالنسبة ليا كان تغيير و تجديد أن القلقاس يبقى بالصوص الاحمر و قالت لي انها طريقة تركية و اخدت الوصفة و عملتها بطريقتي..غدا سخن لطيف جدا في الشتا
المقادير
- 1/2 كيلو قلقاس مقطع مكعبات
- عصير طماطم..الكمية حسب الذوق
- معلقتين معجون طماطم
- 1/4 كيلو لحم مفروم معصج
- بصلة صغيرة مبشورة
- مكعب مرقة خضار
- رشة ملح و فلفل حسب الرغبة
طريقة التحضير
- نقطع القلقاس و مغسلة بماء و ليمون و يتصفى كويس جداً و محمرة في زيت غزير زي البطاطس
- حله فيها ملعقة زبدة و نضع بصلة متوسطة مبشورة يا دوب تذبل و ننزل بعصير الطماطم و معجون الطماطم و نبهر حسب الرغبة و مكعب مرقة خضار و مسيرها تغلي غلوتين و ننزل باللحم المفروم المعصج و تسببها تتسبك منها فيها
- ننزل بالقلقاس المتحمر في الصلصة و نقلبه و نهدي النار و نسيبة عشر دقائق تغلي كل المكونات مع بعضها لحد ما يستوى بالشكل دة
- يتقدم مع رز ابيض..اكله شتوية ساخنة و تجديد عن القلقاس بالخضرة
- الطعم خطير و جديد و هتحبوة بالف هنا
- صحة و عافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد