→ كل الوصفات

قلقاس

بما اني أخصائية تغذية علاجية ماينفعش مانتكلمش عن فوايد قلقاس وجمال قلقاس سواء للكبار أو الصغار قلقاس مليان ألياف اللي هتساعدك في عمليه الهضم وهتخفض كوليسترول وكمان هتساعدك على شبع في مناسبه للناس اللي بتعمل دايت نأخذ بولة صغيرة ❤️ ومليان فيتامينات و مهم لصحة القلب وبيظبط سكر الدم في مناسب لمريض مقاومة الإنسولين بس لازم ننقعه علشان نقلل toxicity منه

  • 2 لفة سلق
  • حزمة كزبرة
  • حزمة شبت
  • 6 فصوص ثوم كبير
  • م ك كزبره ناشفة
  • م ك سمنة
  • 1/2 كيلو قلقاس مقشر ومقطع مكعبات
  • سلق
  • 2 كوب مرق
  • مكعب مرق
  • 3 فصوص ثوم مهروسين
  • م ص سمنه
  • م ص كزبرة ناشفة
  1. هنغسل قلقاس بعد تقشيره وتقطيعه لمكعبات بماء ساخن كويس جداً ونشطفه بماء بارد وتصفيه
  2. وبعدين نعمل سلق ننزع من السلق والكزبره وشبت العروق منه ونحطها في صينية فيها ملعقة سمنه ونحط ثوم زي ماهو وكزبره ناشفة ونحط صينية دي على نار هادئة مع تقليب كل شويه لحد مايدبل وينكمش ولونه يغمق ويكون صوت تشويح واضح لانه هيكون نشف شويه هنقفل عليه ونضربه في الكبة لحد ما يبقى سائل
  3. في حله هنحط مرقة ٢ كوب مجرد ماتغلي هنحط مكعب مرق ونحط قلقاس ومجرد مايغلي هنزل بالسلق ونسيبهم على نار ولما يستوي كده هعمل على جنب ٣ فصوص ثوم مهروسين ومعلقه صغيرة سمنه وكزبره ناشفة واحطهم على نار زي فكره طشه ملوخية وانزل بيهم على قلقاس واقلبهم واقفل عليه وبألف هنا
عجبتك الوصفة؟
شوف كل وصفاتنا في مكان واحد
كل الوصفات →