→ كل الوصفات

قلقاس

للغداء

  • كيلو الا ربع قلقاس متقطع مكعبات
  • 3 حزم سلق
  • حزمه كزبره
  • معلقه كبيره ثوم مفروم
  • نص ملعقة كبيره سمنه
  • ملعقة كبيره زيت
  • ¼ معلقه صغيره كزبره
  • ربع ملعقة صغيرة فلفل اسود
  • ربع ملعقة صغيرة 7 بهارات وممكن نقلل الكمية ولكن منزوتش اكتر لانها مش بتحتاج بهارات كتير
  • اخر حاجه اما نص مكعب ماجي
  • نضيف ملح خفيف او لو متوفر شوربة تكون البديل
  1. بعد تقطيع القلقاس نحط عليه ملعقة ملح كبيره على الناشف ونسيبه ينزل مايته وبعدين نغسله كويس جداً ونغلي ماء ونحطه فيها 5 دقائق ونطلعه على طول
  2. ونزلي عليه ماء ساقعه عشان ميكملش سوا اكتر لانه مبيخدش وقت في السوا
  3. هنضيف السمنه والزيت في حله وهنكون مقطعين السلق زي الخضره مع ازاله الاعواد هنأخذ الورق بس ونحطهم في الحله لحد ما يبتدي يذبل خالص وتقل كميته هنضيف الكزبره وتكون متقطعه ونقلب لحد ما تذبل وبعدين هنضيف الثوم
  4. اول ما ريحه الثوم تطلع نطفي عليها ونسبها تبرد وممكن نزود كمية الثوم اكتر للي بيحب الثوم بيخليها حلوه جداً
  5. ممكن عندك هندبلندر نضرب الخضره بيها او ممكن نحطها في الخلاط مع نص كبايه ماء او شوربة على حسب استخدامك وتستني تبرد بدل ما تحرقي الخلاط
  6. المهم هنحط السلق في الحله اللي هتسوي فيها ونضيف عليه شوربة او ماء والبهارات كلها ونسيبه يغلي وبعدين نحط عليه القلقاس
  7. الماء او الشوربه بتكون من2 لي 3 كوبيات على حسب بتحبيه تقيل او خفيف وبالنسبه للسلق ممكن تفرموه اكتر للي مبيحبوش ظاهر مفيش مشكله
  8. القلقاس بياخد حوالى 10 دقائق هتبعي عليه عشان ميستواش بزياده عن اللزوم
  9. وبكدا هتاكلو قلقاس بنفس الطعم الاصلي ليه من غير اضافات
عجبتك الوصفة؟
شوف كل وصفاتنا في مكان واحد
كل الوصفات →