→ كل الوصفات
هديه فخمه بقالب القلوب المضلعه ❤️
المقادير
- شوكولاته الوان
- كيك شوكولاته
- شوكولاته فروشيه او البديل
- بندق مجروش
- للتزيين
- سبرنكلز بينك / ورق الدهب
- صوص شوكولاته ابيض / داست ذهبي
- مرشميلو
طريقة التحضير
- اول حاجه بسيح الشوكولاته الالوان (وممكن نستخدم شوكولاته بيضا ونضع عليها الوان زيت اللي اللي تحبيه) على حمام بخار
- بنجيب القالب وندهن كل قلب من كل الجوانب والقاع شوكولاته وندخلها تجمد في الفريزر ثم نخرجها ونضع تاني طبقه من الشوكولاته وخصوصا الجوانب (لازم نحط طبقات كويسه علشان متتكسرش)
- بعدين نحضر الحشو بجيب الكيك وبفتفته بايدي او الكبه ثم نضع عليه كميه من شوكولاته ميكس ما بين النوتيلا و شوكولاته فروشيه او بديلهم زي المنتجات الى استخدمتها في الصوره ثم نعجنهم لحد ما تصير كوره ونعرف نشكلها
- بنعمل كوره صغيرة ونعمل حفره في النص نضع البندق المجروش ونقفل عليها (ونسيب مسافه في القالب علشان هنقلب طبقه تانيه من الشوكولاته) ثم ندخلها الفريزر تمسك كويس
- بعدين نطلعها ونحاول نخرج قلب الشوكولاته براحه جداً علشان ميتكرش ونظبط حواف القلب بالسكيه او المبشره
- ونزينها بخطوط من الشوكولاته ونضع السبرنكلز الملون يمسك عليها / وتضع ورق دهب / وبنجيب داست ذهبي ونضع نقطه ليمون ونخلطه ثم نجيب فرشه ونخبط عليها لعمل نقط الدهب / وكمان عملت اشكال من الشوكولاته المربعات وزينت بيها(منزله شكل القالب في الصور) ومرشميلو وشوكولاته فروشيه و باونتي وبالف هنا 🤩🤩🥳🥳🥳🥳🥳
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد