→ كل الوصفات
عجينه لكافه انواع المعجنات عجينه هاشه جدا عجينه قطنيه جميله جدا والبيتزا تحفه ❤😉😋
المقادير
- كوب ماء دافي
- كوب لبن دافي
- 5 اكواب ل5ونص اكواب دقيق
- معلقتين كبار خميره فوريه
- معلقتين كبار سكر
- ½ معلقه كبير ملح
- ¼ كوب زيت زيتون او زيت نباتي
- ¼ معلقه كبيره ثوم بودر
- ¼ معلقه صغيره زعتر ناشف مطحون ناعم
- ½ معلقه صغيره بكينج بودر
- لتزين جبنه موزاريلا زيتون فلفل رومي صلصه للبيتزا
طريقة التحضير
- ننزل بكوب المياه واللبن ف إناء وعليهم السكر والخميره والتوم البودر والزعتر والملح والزيت والبيكنج بودر نتركهم ع جمب خمس دقايق حتي تتفاعل الخميره
- ننزل بخمس اكواب الدقيق ونعجنها كويس وحسب الدقيق ممكن تحتاج معاكي نص كوب دقيق كمان لحد ما تبقي عجينه متامسكه
- نسيبها تخمر ساعه ونغطيها ف مكان دافي مظلم
- نقسم العجينه نصين وكل نص اربع قطع عملت معايا 17كوره
- نفرد العجينه بشكل بيضاوي مش دائري نحشي الاطراف جبنه موزاريلا ونشد العجينه عليها ونقفلها كويس علشان متفتحش ف الفرن وهي بتستوي
- نقفل الطرف كويس اوووي ونشد الاطراف الي الاعلي
- ندهن الصنيه زيت ونسيب مسافات كويسه جدا علشان هتنفخ وهي بتستوي نسيب مسافات اكتر من الصوره كمان وندهن الاطراف دي بصفار بيضه ومعلقه خل
- بتستوي ع درجه حراره 200ف الفرن وتاخد لون ونرفعها ع الشوايه تاخد لون وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد