→ كل الوصفات
وصفه سهلة ولذيذة لعمل الكوسة جربيها أكيد هتعجبك 👌🏻🤗❤️ #المريول_الذهبي
المقادير
- 1 كيلو كوسة
- 1/4 كيلو لحمة مفرومة
- 2 بصلة مبشورة
- 1 ملعقة صغيره ثوم مفروم
- 2 ملعقة صلصة طماطم
- 1 كوب عصير طماطم
- 1 ملعقة صغيره ملح
- 1 ملعقة صغيره فلفل أسود
- 1 ملعقة صغيره سكر
- 1 ملعقة صغيره بهارات لحمة
- 1 ملعقة صغيره بابريكا
- لعمل البشاميل نحتاج
- 2 ملعقة كبيرة دقيق
- 2 ملعقة كبيرة سمنة
- 2 كوب حليب
- 1 ملعقة صغيره ملح
طريقة التحضير
- أولاً إغسلي الكوسة كويس وبعد كدة إقسميها نصفين بالطول وشيلي الجزء الموجود في الكوسة من تحت ومن فوق وبعد كدة شيلي لب الكوسة بالملعقة وخلصي كل كمية الكوسة بالشكل ده 😍
- جيبى مقلاية وحوطي فيها حبة زيت وبعد كدة حمري الكوسة شوية على الجانبين وحوطي عليها ملح وفلفل وبعد كدة شيليها من على النار وحوطيها في صينية رصصي الكوسة جنب بعض😍
- حضري بئا عصاج اللحمة المفرومة جيبى مقلاية مناسبة وحوطي فيها حبة زيت وملعقة سمنة وبعد كدة حوطي البصل والثوم وقلبيهم مع بعض كويس وبعد كدة حوطي اللحمة المفرومة وقلبيهم مع بعض كويس جداً وبعد كدة ضيفي الملح والفلفل والبهارات والسكر والبابريكا وضيفي كوب عصير الطماطم وصلصة الطماطم وقلبيهم مع بعض وسيبيهم لحد لما تتسبك وتتقل شوية وبعد كدة شيليها من على النار 😍
- وزعي اللحمة المفرومة المتعصجة في كل قارب من قوارب الكوسة وبعد كدة حوطي صوص البشاميل فوق كل واحدة وبعد كدة دخلي الصينية الفرن على درجة حرارة 180 لمدة 20 دقيقه تقريباً لحد لما تأخذ لون ذهبي حلو وبعد كدة خرجيها من الفرن وسيبيها تبرد حبة😍
- قدميها بعد كدة مع رز ابيض وسلطة خضراء او مخلل بجد حلوة أوي ولذيذة جداً جربيها كوجبة غداء هتعجبك جداً 😍
- لعمل صوص البشاميل: أولاً جيبي حاجة مناسبة وحوطيها على النار وحوطي فيها السمنة ولما السمنة تذوب ضيفي الدقيق وقلبيهم مع بعض كويس جداً وبعد كدة ضيفي الحليب والملح وقلبيهم مع بعض بمضرب سلك يدوي لحد لما يتقل القوام ويكون كريمي ممكن تضيفي جبنة مثلثات للخليط او مكعب مرقة دجاج وفلفل اسود بس انا بحب اعمل البشاميل بدون اضافة فقط بضيف الملح بس حسب ذوقك ورغبتك لو عايزة تضيفي حاجة😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد