→ كل الوصفات

قوارب الكوسة بحشوة اللحمة المفرومة وصوص البشاميل 😋💓

أنا من عشاق الكوسة بالبشاميل وبجد الطريقة حلوة جداً وهتعجبكم جربوها 👌🤗😍 #باللحم_المفروم

  • 🔹1/2كيلو كوسة
  • 🔹1/4كيلو لحمة مفرومة
  • 🔹2كوب عصير طماطم
  • 🔹2ملعقة صلصة
  • 🔹1بصلة كبيرة مفرومه
  • 🔹4فصوص ثوم مهروس
  • 🔹1/2ملعقة ملح
  • 🔹1/2ملعقة فلفل أسود
  • 🔹1/2ملعقة بهارات لحمة
  • 🔹1/2ملعقة بابريكا
  • 🔹1/4ملعقة سكر
  • 🔹1/4ملعقة قرفة
  • 🔸لصوص البشاميل نحتاج:🔸
  • 🔹2ملعقة كبيرة زبدة
  • 🔹2كوب لبن
  • 🔹2ملعقة دقيق
  • 🔹1/2ملعقة ملح
  1. أولا نقسم الكوسة البطول نصفين ونشيل بذور الكوسة بالمعلقة الطريقة دي بتسهل شيل بذور الكوسة ونغسلها كويس جداً ولما نخلص الكمية كلها نضعها في مصفاه ونرش عليها حبة ملح ونقليها في المقلايه نصف قليه يعني ٣دقايق ونطلعها من المقلاية ونضعها على جنب تبرد☺️
  2. بعد كده نجيب حله صغيرة نضع فيها زيت وملعقة زبدة ونضع فيها البصل المفروم والثوم ونقلبهم مع بعض كويس وبعد لما يصفر لون البصلة نضع اللحمة المفرومة ونقلبهم ونضع الفلفل الأسود والبهارات والبابريكا والقرفة ونقلبهم مع بعض وبعدين نضع الطماطم والصلصة والملح والسكر ونسبها تتسبك شوية وبعدين نقفل النار عليها ونسبها لحد لما نستخدمها☺️
  3. 🔸لتحضير صوص البشاميل :أولا نجيب حله صغيرة نضع فيها الزبدة والدقيق ونقلبهم شويه مع بعض وبعدين نضيف اللبن والملح مع الأستمرار في التقليب لحد لما يتقل القوام ونشيلو من على النار بعد كدة☺️
  4. ودلوقتي هنحضر الوصفه مع بعض🤩هنجيب صينيه ونرصص فيها الكوسة ونضع في كل كوساية لحمة مفرومة ولما نخلص كل الكمية نضع عليها صوص البشاميل وبعدين ندخلها الفرن بعد كدة على درجه حرارة180 لحد لما وجه البشاميل يتحمر وممكن تحوطيها 10 دقائق في الفرن وبعدين تشغلي الشوايه تأخذ لون وتتحمر شوية ولما تتحمر خرجيها وقدميها بعد كده وبألف صحة وعافيه يارب🤗😍🌹❤️
عجبتك الوصفة؟
شوف كل وصفاتنا في مكان واحد
كل الوصفات →