→ كل الوصفات
طريقة عمل قوالب الباذنجان باللحمه المفرومه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 حبات باذنجان حجم متوسط
- عصاج اللحمه؛
- 1/4 كيلو لحمه مفرومه
- 1 ملعقه ك زيت
- 1 بصله مفرومه
- 2 فص ثوم مفروم
- 1 فلفل اخضر معكبات صغيره
- 1/2 كوب عصير طماطم
- 1/2 ملعقه ص ملح
- 1/2 ملعقه ص فلفل اسود
- 1/2 ملعقه ص توابل لحمه
- صوص الطماطم؛
- ملعقه ص زبده
- 2 فص ثوم مفروم
- 2 ملعقه ك صلصه
- 1 كوب عصير طماطم
- 1/2 كوب ماء ساخن
طريقة التحضير
- قطعت الباذنجان نصفين، عملت تجويف علشان اشيل القلب منها، لكن مش تجويف عميق اوى علشان اعرف احشيها، غسلت الباذنجان كويس ونقعته فى ماء بملح لمده 20 دقيقه، صفيته كويس ونشفته
- نزلت الباذنجان فى شويه زيت صغيرين لحد ماتاخد لون دهبى، والجلد يتحول لطرى شويه، وضرورى يتصفى كويس من الزيت "طريقه تانيه- ننزلها تحت الشوايه لحد ماتطرى شويه"
- نزلت شويه زيت على النار وضيفت ليها اللحمه لحد ما لونها يتغير، نزلت البصل وقلبت، نزلت الثوم وقلبت، نزلت الفلفل الأخضر وعصير الطماطم والصلصه وقلبت، نزلت ملح وفلفل وبهارات لحمه، قلبت شويه وقفلت النار
- صوص الطماطم؛ شوحت الثوم فى الزبده لحد ما تظهر ريحتها، نزلت الصلصه وعصير الطماطم والماء وسيبتو يتسبك شويه صغيرين
- فى قالب نزلت جزء من صوص الطماطم وبدات انزل الباذنجان جمب بعض، حشيت الباذنجان باللحمه، تدخلتها الفرن "ساخن مسبقاً" لمده ربع ساعه على حراره 180 وبعدين قفلت من تحت وشغلت الشوايه علشان تاخد لون
- خطوه اختيارى؛ ممكن نحط جبته قشقوان او موتزاريلا على اللحمه قبل دخولها الفرن، ممكن نرص فلفل جمب الباذنجان ياخد نكهه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد