→ كل الوصفات

كاتشب صحي بالبنجر

وصفتي النهاردة مخصوصة للاطفال وطبعا طعمه مختلف عن الكاتشب العادي لوجود ( البنجر ) ، لكن طبعا تقدري تستغني عن البنجر وتستبدلي ( ماء سلق البنجر ) في الوصفة لماء عادي وتكملين باقي الخطوات وبالف هنا 🙂

  • 2 كوب عصير طماطم مصفي
  • بصلة مبشورة
  • م ص ثوم مفروم
  • م ك من كل : (بودرة ثوم علي بصل ، بابريكا)
  • ¼ كوب خل
  • 1 بنجر كبيرة مسلوقة
  • ½ كوب ماء سلق البنجر
  • م ص مليانة نشا او م ك نشا (حسب القوام المطلوب)
  • 2 م ك عسل نحل او سكر دايت او طبعا سكر عادي (لو تحبيه مش صحي)
  • ملح
  1. في حلة علي نار وسط انزل مع بعض (عصير طماطم ، بصلة ، ثوم ، التوابل) واسيب كله مع يغلي وتتسبك والماية تقل ، بعدين اضيف الخل واقلبه شوية ،
  2. بعدين في الخلاط احط البنجر وانزل عليه الصلصة المتسبكة واضربهم كويس جدا عشان البصل والثوم ميبقوش باينين ،
  3. بعدين ارجعه تاني الحلة علي نار هادية خالص خلي بالك ، واذوب النشا في ماء سلق البنجر وانزل بيه علي الخليط مع التقليب لحد الكاتشب يتقل ،
  4. بعدين اطفي النار واضيف العسل والملح وسبيه يبرد واحفظيه في الثلاجة وبس كدة
  5. للكاتشب العادي الصحي : ٢ كوب عصير طماطم مصفي بصلة مبشورة م ص ثوم م ك من كل (بودرة ثوم علي بصل ، بابريكا) ربع كوب خل نص كوب ماء م ص مليانة نشا ٢ م ك عسل نحل ملح نفس الطريقة السابقة ومتنسيش تضربيه في الخلاط عشان البصل والثوم يختفوا وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →