→ كل الوصفات

كاتشب من قشور الطماطم ، مايونيز مغذي

طريقة للكاتشب من تفل عصير الطماطم وممكن يتعمل كمان من قشور الطماطم 🍅 ، وطريقة المايونيز دي مغذية جدددا للاطفال وصحية وبدون زلال بيض 👌😉

  • تفل عصير طماطم المتبقي من (لتر عصير طماطم مركز ومصفي)
  • 2 م ك صلصة
  • 1/4 كوب ماء
  • م ص من بودرة
  • ثوم
  • بصل
  • بابريكا
  • 1او 2 ملعقة ك خل
  • م ك سكر او اكثر حسب الطعم
  • رشة ملح
  • 1 بطاطس متوسطة الحجم مسلوقة
  • 3 وحدات جبنة مثلثات
  • 1/2 كوب لبن او اكثر حسب القوام
  • 1او 2 ملعقة ك خل
  • 1/4 كوب زيت
  • ملح وفلفل حسب الاحتياج
  1. اولا الكاتشب : من عصير طماطم مركز ومصفي احتفظت بالتفل وفي طاسة غويطة حطيت التفل ومعاه الصلصة والماء وسيبتهم يغلوا كويس وتفل عصير الطماطم ينزل مايته كلها ،
  2. بعدين ضربته في الخلاط تاني كويس اوي وصفيته والمرة دي هيتفضل (البذور فقط) ورجعته تاني على النار معاه التوابل والسكر والملح والخل وسيبته لحد لما تقل خالص وبس كدة ،
  3. ثانيا المايونيز : في الخلاط اضفت كل مكونات المايونيز السابقة مع بعض ولو حسيتي انه تقل زودي شوية لبن وظبطي الملح والفلفل ويفضل (فلفل ابيض) ان وجد وبس كدة ،
  4. احتفظي بيهم في برطمانات او علب نظيفة وبالف هنا 🙂
  5. 🔸️ملحوظة : يمكن عمل "ثوميه" من المايونيز وذلك بإضافة(علبة زبادي ، ثوم مفروم) مع مقدار بسيط من المايونيز وبس كدة 😉
عجبتك الوصفة؟
شوف كل وصفاتنا في مكان واحد
كل الوصفات →