→ كل الوصفات
طريقة عمل كاتو بالجيلي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3/4 كوب طحين
- فانيليا
- 1/2 كوب سكر
- 1/4 كوب نشا
- ملعقة بيكنج باودر
- 3 بيضات
- 1/2 كوب زيت نباتي
- لتحضير الجيلي
- علبتان من الجيلي
- منحط محتوى كل ظرف بكوب مي مغلي ومنحرك ليدوب الجيلاتين
- وبعدين منضفلا كوب مي بارد ومنحط بئلبها الفواكه ومنحطا بالفريزة
طريقة التحضير
- تحضير الكاتو
- منعمل بالمقادير لذكرناها منخفق البيض والسكر والزيت والبيكنغ باورد بسرعة عالية
- وشوي شوي منضيف عليهن الطحين والنشا والفانيليا وبنحركهن حتى مايكبتلو طبعا منكون داهنين صينية بالزيت ومنرشلها شوية طحين رش خفيف ومنحط الخليط فيها ولو حبينا بعد مانحط الخليط بالصينية منضيف ملعقتين شوكولا ومنحركن بالخليط عمهلنا ومنكون محماين الفرن من وقت ل بدأنا بالتحضير
- بس ستوى الكيك بنمرر السكين عحواف القالب مشان لو كان ملزء ومنقلب الكاتو منه
- ومننضف القالب و منحط فيه طبقة من الجيلي منحطو شي ساعة تقريبا بالتلاجة ليجمد شوي
- ومنقسم الكيك لقسمين منحط بقلبو كريمة ومنشربه بالجيلي ومنحط الطبقتين فوء بعض وفوقهن طبقة جيلي
- ومنرجعن كلن سوا ع التلاجة اقل شي 3 ساعات
- ولما بدنا نقدمو منحط بجاط مي مغلية ومنحط فوقها الكيك لمدة 30 ثانية ليساعدنا بقلب الكيك المي بتخلي الجيلي يتحرك
- بيطلع معنا كيك بطعمة كتير طيب وشكل حلو
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد