→ كل الوصفات
طريقة عمل كاسات الكنافه بالكريمه وصوص الشوكولاته 😋😍❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 ك كنافه متفرزه
- 0.5 كوب سمنه سايحه
- سيرب تقيل
- كريم شانتيه
- صوص الشوكولاتة 🍫🍫
- كوب لبن سايل
- 0.5 كوب سكر بودرة
- 0.25 كوب كاكاو خام
- زيت حسب الصوص ميتقل قوامه
طريقة التحضير
- بسم الله نجيب الكنافه المتفرزه ونفتتها زي الرمله وعليها السمنه ونقلب وتدخل فرن حراره متوسطه وكل فتره تتقلب لحد متبقى كلها لون ذهبي وممكن على عين البوتجاز بس متعبه تقليب مستمر الفرن افضل ❤️
- بعد الكنافه مأخدت اللون الذهبي ننزل بالسيرب البارد التقيل ونقلبها كويس ❤️
- في الخلاط نضيف اللبن والكاكاو الخام والسكر ونخفقهم كويس وننزل بالزيت على هيئة خيط رفيع لحد مالقوام يتقل معاكي ❤️
- نجهز الكاسات ونحط طبقة كنافه وبعديها كريم شانتيه مخفوق لو حابه تلونيه يدي شكل حلو ونضيف طبقة صوص شوكليت ونعيد نفس الخطوات وفي الآخر طبقة كنافه ونزين الوجه بالكريم شانتيه واى تزيين عندك والف هنا وشفا ❤️❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد