→ كل الوصفات

كاسات الكنافه بنكهات مختلفه

رمضان يعني كنافه وديه وصفه سهلة وبسيطه لمحبي الكنافه خصوصا المبتدئين #كنافه #كنافه_بالشكولاته #كنافه_كراميل #كنافه_الشكولاته_البيضا #كنافة

  • 1/2 كيلو كنافه مطحونه ناعم
  • كوب سمنه بلدي
  • 2 معلقه كبيرة عسل ابيض
  • كوب سكر
  • معلقه زبده
  • كوب كريمة
  • 250 جرام شكولاته بيضاء مذابه علي حمام مائي أو في الميكرويف
  • 250 جرام شكولاته غامقه أو بالحليب مذابه علي حمام مائي
  • كيس كريم شانتي
  • 1/2 كوب لبن مثلج
  1. في حله علي النار نحط السمنه تسخن وننزل عليها بالكنافه وعلي نار متوسطة نفضل نقلب لحد متاخد لون ذهبي ننزل بالعسل ونقلبه كويس ونرفعه من علي النار ونسيبه يبرد
  2. نحضر الكريم شانتي في بولة ننزل بالكريم شانتي واللبن المثلج(وممكن استبدال اللبن بماء) ونضربه كويس لحد ميتقل وبحطه في التلاجه لحد متخلص باقي الخطوات
  3. لصوص الكراميل نرفع كوب السكر علي نار متوسطه لحد ميدوب تماما ننزل عليه بالزبده وكوب الكريمه ونقليبهم علي نار هاديه لحد ميختلط خالص ونسيبه يبرد
  4. نجيب تلات اطباق نحط في الأول الشكولاته البيضا والتاني الكراميل والتالت الشكولاته الغامقه ونقسم الكريم شانتي عليهم بالتساوي ونمزجهم كويس جدا مع بعض(لو حسينا إن الخليط تقيل ممكن اضافه القليل من اللبن)
  5. نجيب بقي كاسات التقديم نحط طبقه من الكنافه وعليها طبقه من الصوص(شكولاته بيضا أو غامقه أو كراميل) ونرجع ننزل بطبقه من الكنافه مرة تانيه وبعدين طبقه من نفس الصوص الي استخدمنا وعلي الوش نحط شويه كنافه بسيط
  6. نكرر العمليه في كل الكاسات وتدخل التلاجه من ساعه الي آتنين
  7. وبالف هنا
عجبتك الوصفة؟
شوف كل وصفاتنا في مكان واحد
كل الوصفات →