→ كل الوصفات

كاسات كنافة بالباستري

#تجهيزات_رمضان

  • ½ كيلو كنافة
  • قطعة زبدة كبيرة
  • كوب صغير سكر
  • كوب باستري بودر
  • 3 ملاعق سكر بودرة
  • ½ كوب ماء مثلج
  • صوص شيكولاتة للتزيين
  1. الكنافة احطها ف الفريزر من بالليل وتاني يوم اطلعها واحطها ف إناء كبير وبايدي افركها كويس خالص
  2. ارفعها ع النار وأضع عليها الزبدة قطعة كبيرة وع نار هادئة اقلب فيها كويس اوي لحد ما تآخد اللون الدهبي الجميل ده
  3. احط عليه بعد كدة السكر واقلبها واطفي النار واسيبلها تبرد خالص.ممكن احطها ف علبه ف التلاجة تقعد معاكي شهرين تلاته زي الفل
  4. نضرب الباستري مع السكر البودرة والماء المثلج تمام.نجيب بقي الكاسات نضع بها طبقة من الكنافة ثم طبقة باستري طبقة كنافة ثم باستري وبعدين طبقة صوص شيكولاتة ونزينها زي ماتحبي
  5. حطيها ف التلاجة ويفضل تقديمها للاكل تاني يوم عشان تكون الكنافة شربت من الباستري بيكون طعمها جنان جربيها
عجبتك الوصفة؟
شوف كل وصفاتنا في مكان واحد
كل الوصفات →