→ كل الوصفات

كاليماري بالخلطة

بدون فرن ولا وقفة كتير في المطبخ هتعملي احلى طبق كاليماري في عشر دقائق بس

  • كيلو كاليماري اقماع
  • بصلتين
  • 2 قرن فلفل اخضر
  • 3 حبات طماطم
  • 1/2 كوب كزبرة وشبت مفرومين
  • توابل (ملح، فلفل، كمون، قرفة)
  • عصرة ليمون
  • 4 معالق زيت
  1. نغسل الكاليماري كويس ونقطعه شرايح رفيعة او مكعبات صغيرة ونعصر عليه ليمونة ونسيبه دقيقتين على ما نجهز باقي المكونات
  2. في طاسة على النار هنحط الزيت ونقطع البصل مكعبات صغيرة ونقلبه دقيقتين يادوب يطري بس مياخدش اي لون وبعدين ننزل عليه بالكاليماري المهم نصفيه كويس قبل ما ينزل في الطاسة ونقلبهم مع بعض شوية
  3. بعدين ننزل بالفلفل المتقطع ونقلب شوية ونضيف مكعبات الطماطم ونقلب وبعدين نغطيه ونهدي النار لحد ما يبدأ يستوي
  4. اخر خطوة هنضيف التوابل بتاعتنا ونقلب كويس وبعدين نحط الخضرة المفرومة على الوجه ونغطي شوية كمان خمس دقائق كدا ويكون جاهز معانا اسرع طبق كاليماري لذيذ جداً ممكن يتقدم جنبه رز ابيض او عيش زي ما تحبو
عجبتك الوصفة؟
شوف كل وصفاتنا في مكان واحد
كل الوصفات →