→ كل الوصفات
#الكاليماري من #الاكلات_البحريه المميزه جداً و طريقتها سهله جداً لو حابين تشوفوا طريقة الحشو موجوده بالتفاصيل
المقادير
- كيلو من الكاليماري المتنضف
- 3 اكواب من الرز مغسوله و متصفيه
- 2 بصل كبار مفرومين
- 4 طماطم مضروبين في الخلاط
- كوب خضرة مشكله مفرومه
- معلقة كبيره صلصه
- كمون
- ملح
- فلفل
- بابريكا
- ثوم بودرة
طريقة التحضير
- في حله على النار نشوح البصل في زيت لحد ما لونه يبقى شفاف و ننزل عليه بعصير الطماطم و الصلصة و البهارات و نسيبهم يتسبكوا شويه
- بعد مرور عشر دقائق ننزل بالرز و نقلب و نهدي النار لحد ما الرز يشرب السوايل بس و نقفل النار
- نضيف الخضره و نقلب كويس
- نحشي الكاليماري و نراعي اننا منكبسوش يعني ملعقة واحده لكل واحدة كاليماري
- نسلقه في مياه مضاف ليها طماطم و ليمون شاريح و ثوم
- نحمره في زيت غزير لحد ما لونه يبقى ذهبي ونراعي اننا نكون قافلين الغطا عشان بيطرقع جامد
- بس كده يتقدم سخن و بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد