→ كل الوصفات

كانتون الدجاج بطريقة سهلة وسريعة😋

بتمنى منكم تدعموا قناتنا الصغيرة اللي رح تكبر فيكم، اسم

  • صدرين دجاج مسحبين (خالي من العظم) او زنجر مقلي
  • حبتين فليفلة حلوة أخضر او اي لون من المتوفر ، مقطعين قطع كبيرة
  • حبتين جزر مقشرين ومقطعين قطع كبيرة شوي
  • بصلة مقطعة جوانج
  • سنين توم مهروسين
  • شوي من الزنجبيل المبروش (نص معلقة صغيرة)
  • معلقتين كبار صويا صوص
  • 4 معالق كبيرة كاتشب
  • عسل طبيعي ازا متوفر (ممكن استبداله بمعلقة سكر كبيرة)
  • رشة ملح صغيرة
  1. بنقطع الدجاج مكعبات وبننقعهم بالخل والملح ، بعد ربع ساعة بنغسلهم وبنحط عليهم ملح ، فلفل أسود وبهارات مشكلة واللي بتحبوها بنغطسهم بالطحين وبنكون محمين الزيت وبنقليهم حتى ياخدوا لون دهبي.(ممكن نستغني عن هاي الخطوة بالزنجر الجاهز)
  2. بطنجرة تانية بنحط شوية زيت قلي وبنزل عليهم التوم و الزنجبيل ، بعدين بنزل عليهم الفليفلة والبصل والجزر وبحط شوية مي وبتركهم لحتى تستوي الخضار (الأفضل يضل فيهم قرشه خفيفة أطيب)
  3. بعد ما تجهز الخضار بضيف عليهم الكاتشب والصويا صوص والعسل او السكر ورشة الملح بتركهم يغلوا شوي مع بعض وبضيف الدجاج او الزنجر وبخليهم يغلوا شوي مرة تانية ، الصوص ممكن يجمد معكم شوي ازا بتحبوا ضيفوا مي وهيك بتكون مرقه شوي
  4. تُقدم مع الأرز الأبيض
  5. صحتين وعافية 🌹🌹🌹
عجبتك الوصفة؟
شوف كل وصفاتنا في مكان واحد
كل الوصفات →