→ كل الوصفات

كانيلوني بالدجاج والجبنة الكريمية

من اشهى واجمل الاكلات ؛؛ احلى اشي انو منقدر نحشي المعكرونة الحشوة اللي بدنا اياها ..جربوها وبساعة ونص بتكون جاهزة للتقديم 😋

  • باكيت معكرونة كانيلوني
  • 2 صدر دجاج مغسول بطحين جيداً ومفروم ناعم
  • فطر معلب
  • 6 حبات كيري
  • البهارات:-
  • ملح
  • فلفل
  • بهارات ايطالية
  • بهارات مشكلة
  • بابريكا حلوة او حارة حسب الرغبة
  • موزاريلا مبشورة
  • مكونات البشاميل
  • 2 كوب حليب
  • 4 معالق كبيرة زيت او 2 ملعقة كبيرة زبدة
  • 2 معالق كبيرة طحين
  • ملح
  • فلفل ابيض
  • جوزة الطبيب
  1. في قلاية نضع قليل من زيت المازولا ونشوح الدجاج المفروم ونضع البهارات ملح فلفل بهارات ايطالية بابريكا بهارات مشكلة ومندوق ومنستمر بالتشويح حتى يستوي.تقريبا 10 دقائق ثم نضيف الفطر ونحرك شوية ونطفىء
  2. نخلط الكيري مع الدجاج الساخن (يفضل تقطيع الكيري الى قطع صغيرة ثم وضعها حتى يسهل الخلط)
  3. نحشي المعكرونة بالخليط ونرتبها في جاط بايريكس دون سلق المعكرونة
  4. لتحضير البشاميل : نحرك الطحين مع الزيت او الزبدة جيداً بسرعة لمدة دقيقة واحدة ثم نضيف الحليب ونستمر بالتحريك المستمر حتى يغلي نخفف النار ننتظر ١ دقيقة مع التحريك ثم نطفىء ؛؛ كل ما حبينا البشاميل يطلع اسمك واثقل ؛؛كل ما يجب نستمر بالتحريك مدة اطول بعد ما يغلي ،، وافضل اشي البشاميل يكون قوامه وسط
  5. نضع البشاميل على المعكرونة وندخل جاط البايريكس الفرن لمدة ربع ساعة ثم نخرجه ونضع الموزاريلا وندخله بعد لمدة ٥ دقائق ونضع قليل من البهارات الايطالية ويقدم
  6. هيك شكل علبة الكانيلوني ؛؛ لانها مو واضحة كتير بصورتي.والحشوة ممكن تكون اي اشي بتحبوا.دجاج مع فطر او سبانخ وفطر او لحمة مفرومة او اي اشي بتحبوه
  7. ملاحظة :- ممكن نستخدم كيري او الجبنة الكريمية اللي بعلبة مدورة.اذا بدكم تستخدموا العلبة نص علبة بكفي :)
عجبتك الوصفة؟
شوف كل وصفاتنا في مكان واحد
كل الوصفات →