→ كل الوصفات

كانيلوني بالسلمون المدخن والكرات

طعمه حلو جداً بس أصحاب الدايت يمتنعون😄😄

  • لعجينة الكانيلوني
  • 2كوب دقيق
  • 1 ونص لبن
  • 3 بيضات
  • رشة ملح و فلفل
  • الحشو
  • نص حزمة كرات مقطعة
  • حوالي 100 جرام سلمون مدخن أو اقل
  • ½ كوب شبت مفروم
  • ¼ كوب كريمة
  • معلقة كبيرة جبنة كريمي
  • معلقة صغيرة نشا
  • البشاميل
  • ملعقة زبدة
  • معلقة دقيق مليانة
  • كوب لبن
  • ¼ كوب كريمة
  • معلقتين جبنة كريمي
  • حفنه من الجبنة المبشورة
  1. نضرب البيض و اللبن و الدقيق جيداً و نسيبهم يرتاحوا عشر دقائق و لو حسينا القوام تقيل نخفف بلبن و طاسة مدهونة بفرشة زيت و تبدء نعمل الكانيلوني الي أن تنتهى من الكمية
  2. طاسة على النار و نشوح المرات و نسيبه و ف نفس الطاسة نضع ملعقة صغيرة من النشا ف قليل من الماء لتدوب و نقلبها و ننزل بالكريمة و نتبل بالملح و الفلفل و ننزل بالجبنة الكريمي و الشبت و الكرات لحد ما تغلي غلوة و نقفل و ننزل بالسلمون المدخن و نقلب و دة هيكون شكل الحشوة و الكانيلوني
  3. تبدء تحشى وحدات الكانيلوني و نرصها ف طبق
  4. حلة على النار فيها الزبدة و الدقيق و نحمرهم كويس و ننزل باللبن و نتبل و بعدين الجبنة الكريمة و الشيدر أو الموتزاريلا المتوفر و اخر حاجة الكريمة بيكون كريمي جداً و تقيل الي حد ما
  5. تبدء نجيب البايركس و نضع فيه كمية من البشاميل و نرص فوقه الكانيلوني و نغطي بباقي كمية البشاميل
  6. يدخل الفرن لمدة 20 دقيقة و ممكن اقل انا سيئة حبة زيادة
  7. و يقدم بالف هنا
  8. حلو اوي جربوة هتحبوه
عجبتك الوصفة؟
شوف كل وصفاتنا في مكان واحد
كل الوصفات →