→ كل الوصفات

كانيلوني باللحمة المفرومة وصوص الطماطم

طريقة عمل كانيلوني باللحمة المفرومة وصوص الطماطم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب لبن
  • 1 ونصف كوب دقيق
  • 3 بيض
  • ملح ، فلفل
  • ½ كيلو لحم مفروم معصج
  • 2 كوبةعصير طماطم
  • ملعقة ص ثوم مفروم
  1. نضيف اللبن للدقيق ونقلب كويس بالمضرب اليدوي وبعدين نضيف البيض والملح والفلفل ونقلب كويس لحد ما يمتزج
  2. طاسة تيفال ساخنة على النار هندهنها بالسمن او الزيت ونحط كبشة من العجين ونحرك الطاسة لما العجين يتفرد على مساحة الطاسة كلها نهدي النار شوية واول ما نحس ان الجوانب انفصلت عن الطاسة وبدأت كلها تتحرك لو هزينا الطاسة نقلبها على الناحية الثانية ٣ دقائق لما تستوي نحطها على طبق مفرود ونكرر العملية في كل العجين
  3. نحضر الصوص : نحط الثوم مع ملعقة ص زيت على النار لما يبيض ننزل بعصير الطماطم وملح وفلفل ونقلب ولما تتسبك وحجمها يقل نطفي النار
  4. ندهن صينية ونبدأ نحشي وحدات الكانيلوني من اللحم المعصج ونرصها جنب بعض في الصينية (ودايما خلي اخر طرف الرول لتحت علشان متفتحش)
  5. ندهن وحدات الكانيلوني بعصير الطماطم اللي سبكناه وندخل الصينية الفرن حوالي نصف ساعة. بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →