→ كل الوصفات

كباب تركي 🇹🇷

وصفة حلوه ولذيذه وتنفع باللحمة المفرومه او لحمه مكعبات وهتعجبكم جدا بإذن الله ❤️

  • 1/2 ك مكعبات لحمه متوسطه او صغيرة
  • بصلة صغيرة
  • 4 فصوص توم
  • 3 م ك بقدونس
  • قرن فلفل حامي
  • م ص بهارات لحمه (هتلاقيها عندي ف الوصفات)
  • م ص كمون
  • م ص فلفل اسود
  • ملح حسب الرغبه
  • 2 بطاطس حلقات ومقلية
  • 2 باذنجان حلقات ومقلي
  • 2 بصلة حلقات
  • 3 طماطم حلقات
  • فلفل حار حلقات كمية حسب الرغبه
  • 3/4 كوب صلصة
  • 2 م ك دبس رمان
  • 2 م ك زيت زيتون
  • رشة ملح وفلفل
  1. لو مستخدمه لحمه مفرومه هتحطيها ف كبه مع مكونات تتبيله ككل وتخلطيهم مع بعض وتشكليها ع هيئه اقراص
  2. لو هتستخدمي لحمه مكعبات زيي هتجيبي كبه تضربي فيها بصل وبقدونس وتوم والفلفل الحامي كويس اوي مع بعض وتحطيها ف بولة وتحطي فيها كل التوابل واخلطيهم وتبلي بيها اللحمه كويس اوووي وسيبيها ف تتبيلة ع الاقل نص ساعة
  3. في صينيه او طاجن هنوزع ف قاعها شرايح البصل وبعدين نبدأ نصفف اللحمه والخضار بمعنى نحط شريحه بطاطس بعدين لحمه بعدين طماطم بعدين باذنجان ونعيد الخطوات لحد ما صينيه تكتمل (ف حاله انك بتستخدمي مكعبات لحم حطي كبشة او اتنين مرقة في صينيه لو بتستخدمي اللحمه المفرومه ماتحطيش)
  4. هنخلط مكونات صلصه مع بعضها ونوزعها ع صينيه ونغلف الصينيه بورق فويل وادخلها الفرن ع درجه حرارة 200 لحد ماتستوي وتنضج وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →