→ كل الوصفات
#Hadeer_Ashraf ❤️
المقادير
- 1 كيلو من صدور الفراخ
- 1 حبة فلفل رومي أحمر
- 1/2 حبة فلفل حامي او رشة شطة حسب الذوق
- 1 بصلة كبيرة او 2 متوسطين
- 1 معلقة كبيرة توم مفروم
- 1 معلقة كبيرة سمنة
- 1 حزمة صغيرة بقدونس مفروم
- 1 معلقة صغيرة من (زعتر - بهارات فراخ - بابريكا - بيكينج بودر)
- 1/2 معلقة صغيرة فلفل اسود
- 2 معلقة كبيرة بقسماط ناعم
- 1 معلقة كبيرة عسل نحل
- 1 معلقة كبيرة زيت
- رشة ملح حسب الذوق
طريقة التحضير
- أول حاجة هنفرم البصل والفلفل الرومي في الكبة لحد ما يبقا ناعم جدا وبعدين نصفيهم كويس من الماء اللي فيهم
- بعد كدا هنفرم الفراخ كويس لحد ما تبقا ناعمة ونفرم معاها البقدونس عشان يبقا ناعم أكتر
- في بولة هنضيف الفراخ المفرومة وعليها البصل والفلفل الرومي المتصفي ونضيف كل التوابل والبقسماط والسمنة والثوم المفروم والعسل
- نعجن كل المكونات مع بعضها لحد ما تتجانس كويس جدا
- هنضيف على ماء البصل والفلفل الرومي معلقة كبيرة زيت ونبدأ نشكل بيها الكفتة على الاسياخ
- بعد كدا هنولع الفرن ونحط على ارضية الفرن صنية فيها ماء مغلي وفوقها شبكة وفوق الشبكة نرص الاسياخ عشان تتشوي
- بندهنا بفرشة من ماء البصل المخلوط بالزيت ولما تحمر من جهة نقلبها على الناحية التانية وندهنها بردو بماء البصل وهكذا لحد ما تحمر وتاخد لون دهبي
- في الاخر بنحط كل الاسياخ في صنية ومعاهم قطعة فحم سخنة وعليها نقطة زيت ونغطيهم لمدة 5 دقايق عشان تبقا بطعم الفحم وبس كدا 😋
- ملحوظة.. الاسياخ الخشب بننقعها في ماء لمدة ساعتين قبل ما نستخدمهم عشان متتحرقش في الفرن
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد