→ كل الوصفات
#وصفات_بالبطاطا #كبة #كبة_بطاطا من أشهر واطيب اكلة لبنانية قروية. تعتبر كبة نباتية بامتياز . بحبوها ولادي كتير ولأني ما بطعميهن لحمة نية فا هيدي الكبة بديل ممتاز لا كل الأشخاص يلي ما بياكلوا الكبة النية. الفرق فقط استبدال اللحمة بالبطاطا . تعوا تعرفوا على هالاكلة شو طيبة .وكل مكوناتها طازجة من الجنينة 🌸
المقادير
- 1/2 كيلو بطاطا مسلوقة
- 1/4 كيلو برغل اسمر ناعم منقوع بقليل من الماء
- حبة بصل كبيرة مبروشة
- حفنة من النعنع الاخضر
- حفنة من ورق الحبق
- حفنة من ورق المردكوش الطازج
- حفنة من ورق العطر الطازج
- ورد جوري
- حر حسب الذوق
- ملح حسب الذوق
- 1/2 ملعقة صغيرة قرفة بودرة
- 1/2 ملعقة صغيرة كمون مطحون
- 1/2 كوب زيت زيتون
- ماء حسب الحاجة لعجن الكبة
- زيت زيتون
- خضار مشكلة
طريقة التحضير
- اولا تغسل حبات البطاطا جيدا وتسلق حتى تنضج تماما كي تكون عملية هرسها سهلة. تغسل الاعشاب الطازجة وتقشر حبة البصل. ويغسل البرغل وينقع بقليل من الماء
- نقوم بهرس البطاطا بعد نضوجها وتقشيرها ونضيف لها البرغل ونهرسهم معا
- نبرش البصل ونطحن الاعشاب جميعا في محضرة الطعام ونضيفها الى البطاطا مع الملح والبهارات
- نقوم باضافة الاعشاب المطحونة الى البطاطا والحر هنا حسب الذوق. قسمت المزيج قسم مع الحر وقسم للاطفال دون اضافة الحر اطلاقا. ثم بدأت باضافة الماء تدريجيا الى البطاطا مع الدعك (اي العجن) للحصول على مزيج ناعم جدا وسلس.اخر خطوة قمت بإضافة نصف كوب زيت زيتون الى المزيج ودعكتها جيدا
- قمت بتوزيع الكبة في الاطباق وسكبت عليها كمية وفيرة من زيت الزيتون. وتقدم مع الخضار المشكلة بالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد