→ كل الوصفات
طريقة عمل كبة البطاطا المشوية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو برغل ناعم ابيض منقوع نص ساعة لا ساعة مافي مشكلة
- كيلو بطاطا مسلوقة ومقطعا ارباع
- 0.5 كيلو هبرة ناعمة من غير دهن
- ملح ملعقة صغيرة
- ملعقة كبيرة فليفلة مطحونة
- 0.5 كيلو لحمة مفرومة ناعم مدهنة
- 2 بصل كبار مفرومين ناعم
- 0.5 كيلو شحمة مفرومة ناعم على المكنة
- ملعقة صغيرة ملح
- ملعقة صغيرة ممسوحة فلفل اسود
- ملعقتين كبار سمنة او زيت نباتي
- 1 حبة بصل مقطعا ارباع مع البرغل
طريقة التحضير
- بنقع البرغل نص ساعة وبسلق البطاطا بدير البرغل مع البطاطا المقطعا ارباع مع الهبرة من غير دهن على ماكينة الكبة مع البصلة المقطعا ارباع دورين بدعكا كتير منيح بضيف عليها ملح وفليفلة مطحونة وبدعكا بشكل كتير منيح لا تصير معنا عجينة سهلة التشكيل
- على النار بضيف السمنة بقلب البصل لا يدبل بضيف اللحمة المفرومة ناعم المدهنة بضيف ملح وفلفل اسود بطفي النار وبضيف الشحمة المندارة عماكينة الكبة وبقلبن منيح وبخلي الحشوة تبرد تماما
- باخد قطعة صغيرة من العجينة الكبة وبفردها عكيس نايلون عشكل قرص على شي علبة (حليب النيديو)بشيلها وبعمل كزا وحدة اسرع بلشغل بغطين
- باخد اول قرص من الكبة يلي عملناه على الكيس وبحط الحشوة مقدار ملعقة كبيرة معرمة بلوسط بحط قرص تاني من عجينة الكبة وبسكرا منيح ومنبل ايدنا بقليل من الماء وبسويها منيح عشان ما تفتح معنا وقت الشوي
- بكمل نفس الخطوات مع باقي العجينة لا خلص كل الكمية مع مراعاة تغطية الكبة قراص الكبة عشان ماينشفو معنا
- بشغل الفحم وبستنا لا يصير جمر بحط شبك وبشوي الكبة بخليها دقيقتين بقلبا على الوجه التاني بقدما سخنة وصحتين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد