→ كل الوصفات
#الاربعاء #ابدع_واقتصد كبة البطاطا من انواع الكبة النباتية الكتير طيبة وكتير معروفة عنا بلبنان ونظرا لغلاء المعيشة صرنا نعملها أكتر من كبة الهبرة لانو صار ل بدو يجيب لحمة هالإيام بدو يبيع حدا من ولادو او شي من بيتو هههه الله يفرجها عالجميع هالوصفة أنا تعلمتا من امي وكتير بحبها من إيدا الله يطول بعمرها وبحبا اكتر لانو بابا الله يرحمو كان يحبها ف انا حبيت اعملها ع طريقتي وضيف عليها المكون ل بدخلو بأغلب وصفاتي ل هو البندورة المجففة بالزيت مع دبس الفليفلة وما فيني خبركن عالطعم ولا المنظر ل بتطلع فيه هالكبة واكيد مع زيت الزيتون البلدي الصافي ل بيشبه شروق الشمس يلا نحضرها بأسرع واسهل والذ طريقة ونتغلب عالظروف ❤🇱🇧👌
المقادير
- 1/2 كيلو برغل اسمر مغسول
- كيلو ونص بطاطا مقشرة مقطعة ومسلوقة
- بصلة كبيرة مبروشة
- ملعقتين كمونة او ملعقة كمون مطحون مع ملعقة صغيرة فلفل اسود
- كوب زيت زيتون
- ملعقة طعام دبس فليفلة
- 1/2 كوب مقطع من البندورة المجففة بالزيت
- كوب من ماء سلق البطاطا
- ملح حسب الذوق
- للزينة اوراق من النعنع الطازج
- حلقات من البصل
- قطع من البندورة المجففة
- ورشة كمون حب
طريقة التحضير
- بداية نقوم بوضع ملعقتان من زيت الزيتون في مقلاة على النار ونقلي البصل حتى يأخذ اللون الذهبي
- ثم نقوم بهرس البطاطا جيدا
- نضع البطاطا فوق البرغل المغسول ثم نضيف البصل ودبس الفليفلة والكمون والملح وماء البطاطا وندعك جيدا حتى تتجانس المكونات
- ثم كمية من زيت الزيتون ونواصل الدعك حتى تصبح الكبة طرية وشهية وجاهزة للتزيين والتقديم ، نزين بحلقات البصل والنعنع الأخضر والبندورة المجففة ورشة من حبوب الكمون ونسقيها بكمية وفيرة من زيت الزيتون وبالهنا والشفا 👌😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد