→ كل الوصفات

كبة البطاطا

اقتراح لمقبلة اليوم الثانى عشر من رمضان

  • 3 حبات بطاطا مفورة
  • صغار حبة بيض
  • ملح
  • رشة فلفل اسود
  • 2 م ك شابلور
  • رشة نعناع يابس
  • كمية قليلة من اللحم او الدجاج المفروم
  • بصلة صغيرة مقطعة رقيق
  • فصين ثوم
  • شوية زيت
  • ملح و فلفل كحل
  • شوية كمون و فلفل أحمر حار
  • حفنة كزبرة مقطعة رقيق
  • بيضة
  • فرينة
  • شابلور منسمة
  1. بالنسبة للبطاطا بعد ما فورناها نمعسها بالفرشيطة مليح ثم نزيد عليها باقى المكونات و نخلطها باليد مليح مليح
  2. بالنسبة للحشوة فى مقلات نضع اللحم المفروم+الزيت+التوابل+الثوم+البصل نقليهم مليح حتى يطيب كل شي نخلي الحشوة تدفى شوية نزيد عليها الكزبرة و نطحنها فى الطحانة طحنة خفيفة
  3. ناخذ كمية من البطاطا نعمرها بالحشوة كما تلاحضون نغلقها مليح و نشكلها على شكل كبة نخلى الوسط خشين و نرقق الاطراف ندخلها المجمد تجمد حتى تساعدنا فى الخدمة و تحافض على شكلها كى نرمدها فى الفرينة
  4. بعد ما جمدت نرمدها فى الفرينة ثم البيض ثم الشابلور و نقليها فى زيت غزير و ساخن و يمكن أن تقليها مباشرتا او ترجعيها الثلاجة تجمد
  5. الحشوة أكيد اختيارية
عجبتك الوصفة؟
شوف كل وصفاتنا في مكان واحد
كل الوصفات →