→ كل الوصفات

كبدة أسكندراني😋💓

الكبدة من الأكلات السهلة واللذيذة😋 جربي الكبدة الاسكندراني بالطريقة دي مش هتبطلي تعمليها حلوة أوي 👌😉

  • 1/2 كيلو كبدة مقطعة شرائح رفيعه
  • 2 فلفل رومي مقطع مكعبات
  • 1/4 كوب خل
  • 1 فلفل حار (أختياري)
  • 1 ملعقة كبيرة ثوم مفروم
  • 1 عصير ليمونه
  • 1/2 ملعقة صغيرة فلفل اسود
  • 1/2 ملعقة صغيرة ملح
  • 1/2 ملعقة صغيرة كمون
  • 1/2 ملعقة صغيرة كزبرة ناشفة
  • 3 ملاعق كبيرة زيت
  • 2 ملعقة كبيرة سمنه او زبدة
  1. أولا الكبدة مش بتتغسل ولو عايزة تغسليها اشطفيها بسرعة بالماء وصفيها في المصفاه 😍
  2. إحضري مقلايه وحوطيها على النار وحوطي فيها الزيت والسمنه وبعد كدة ضيفي الكبدة وقلبيها حبه وبعدين ضيفي الملح والفلفل والكمون والكزبرة الناشفة وقلبيهم مع بعض😍
  3. ضيفي الخل والثوم والفلفل الأخضر والفلفل الحامي وقلبيهم وهدى النار على الكبدة وغطيها وسيبيها حوالي 10 دقائق ضيفي الليمون بعد كدة وقلبيهاو قدميها على طول 😍
  4. بجد طعمها حلو اوي وأكيد لو جربتيها هتعجبك جداً👌 وبالعافيه عليكى حبيبتي 😘🌹💓🤗
  5. متنسيش لو جربتيها صوريها📸 وابعتيهالي دي حاجة بتفرحني جداً 🤗❤️
عجبتك الوصفة؟
شوف كل وصفاتنا في مكان واحد
كل الوصفات →