→ كل الوصفات
الكبدة الاسكندراني السريعة والحرشة اخر حاجة 😋
المقادير
- ½ كيلو كبدة
- ¼ كوب زيت
- م ك ثوم مفروم
- 2 فلفل حار (اختياري) او فلفل رومي
- م ك كمون
- م ص كزبرة
- ½ م ص (فلفل ، شطة)
- 2 م ك خل
- عصرة ليمونة
- ملح حسب الاحتياج
طريقة التحضير
- اولا جبت الكبدة وقطعتها أصغر مما كانت متقطعة عشان بنحبها كدة ممكن انتي تسبيها بتقطيعة الجزار عادي ،
- بعدين في طاسة حطي زيت وسيبه لحد لما يسخن ونزلي الكبدة حبة حبة عشان تفضل الطاسة معاكي سخنة وافضلي قلبي فيها لحد لما لونها يتغير ،
- بعدين نزل الثوم والتوابل كلها وقلبي شوية ، بعدين الخل والملح وقلبي، وبعدين اقفلي عليها واعصري ليمون وبس كدة ،
- ملحوظة : ممكن في بولة تتبلي الكبدة بالتتبيلة السابقة الاول وتسبيها شوية منقوعة وتسويها عادي ، بس انا هنا كنت مستعجلة وعملتها في الطاسة علي طول 😉 ،
- قدميها مع عيش بلدي او فينو وسلطة طحينة ومخلل وعيش مقلي وفلفل حار مقلي وسفن اب وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد