→ كل الوصفات
مفيش اسرع من الكبدة ف تسوية وتعملي وجبة تخلص ف دقايق لو راجعه من شغلك او يومك متلغبط او مش قادرة تعملب حاجات كتير هتلاقيها ف دقايق استوت حرفياً دي طريقة مش هتاخد وقت خالص منك وكمان طعمها حلو جدا دي طريقة ماما ف عمايل كبدة الفراخ بإذن الله هتعجبكم #نصف_ساعة #الشيف_الذهبي #الجمعة
المقادير
- 1 ك كبدة
- 2 بصلة متوسطة مكعبات
- فلفل الألوان اخضر واحمر واصفر مكعبات (1 حبة من كل لون)
- م ص توم مفروم
- 3 طماطم مكعبات
- ملح وفلفل أسود حسب الرغبه
- م ص كمون
- م ص كزبرة ناشفة
طريقة التحضير
- هنغسل الكبدة كويس ونعصر عليها ليمون ونحط م ك خل
- نحط حلة ع نار فيها مية وملح وفلفل واول لما تغلي هنسقط الكبدة فيها لمده دقيقة بالكتير ٣ دقايق علشان تاخد بس لون وماتتهرييش مش لزيد من كده ونصفيها بالمصفى ونشطفها بماء بارد
- نحمر البصل بالزيت لحد مايكون لونه دهبي ونحط التوم والفلفل الالوان ونقلب دقيقتين وبعدين نحط طماطم ولما ينضج الخليط
- نحط عليه فلفل وملح وكمون وكزبرة ونحط عليه الكبده ونقلبهم كويس
- وبعدين ناخد الخليط نحطه ف صينية او طاجن وندخله الفرن ١٠ دقايق فقط وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد