→ كل الوصفات

كبدة بانيه ، مكرونة بلدي

اكلة حرشة من الاخر بجد وسريعة جدددا

  • ½ كيلو كبدة شرايح
  • مكرونة مسلوقة (الكمية حسب الرغبة)
  • رأس ثوم
  • قرن فلفل حار
  • م ك من (كمون ، كزبرة)
  • م ص فلفل اسود
  • عصير ليمونة كبيرة او اكثر
  • ملح
  • دقيق
  • بيضة + ربع كوب لبن + رشة ملح وفلفل
  • دقيق ، او بقسماط ، او ردة ، او فجيتار
  • جزء من التتبيلة
  • زيت
  • م ك خل
  • كوب من ماء سلق المكرونة
  • ½ كوب صلصة
  • ملح
  1. اولا اجهز التتبيلة : في الكبة افرم كل مكونات التتبيلة
  2. ثانيا الكبدة : انزل جزء من التتبيلة علي الكبدة واقلبها واسيبها شوية في التتبيلة ، بعدين للقلي : انزلها الاول في دقيق ، ثم البيض ، ثم دقيق (دة اللي انا عملته) ، انتي ممكن تستبدلي طبقة الدقيق الأخيرة ب (بقسماط ، او فجيتار ، او ردة) واقليها في زيت غزير ساخن لحد ما اخدت لون ذهبي ،
  3. ثالثا المكرونة : في حلة حطي زيت ونزلي جزء من التتبيلة وشوحي الثوم في الزيت ، بعدين نزلت عليها (ملعقة كبيرة خل) وكوب من ماء سلق المكرونة وعليها الصلصة والملح واسيبها تغلي شوية بعدين انزل المكرونة واقلبها وبس كدة ،
عجبتك الوصفة؟
شوف كل وصفاتنا في مكان واحد
كل الوصفات →