→ كل الوصفات

كبدة بانيه ومعكرونة بالصلصه

دي وصفه الكبدة عملتها مرة واتضح انها شالت كل الظفارة اللي بتبقي في الكبدة وبجد طعمها حلو اووووووي

  • 0.5 ك كبدة شرايح
  • كيس معكرونه اي نوع تفضلوها انا عملتها قلم
  • 0.5 ك طماطم عصير
  • 10 فصوص ثوم مفروم
  • نصف ملعقة شطة (اختياري)
  • نصف ملعقة سكر
  • خل
  • ليمونه كبيرة
  • بقسماط ناعم
  • كيس ڤيچتار فراخ
  • ملح حسب الرغبة
  • رشة كمون
  • رشة فلفل اسمر
  • رشة بهارات لحمة
  • رشة حبهان مطحون
  • رشة بابريكا
  • زيت للقلي
  1. الاول هنغسل الكبدة كويس جدا من الدم وبعدين نصفيها في مصفاه
  2. بعدين نفرم الثوم كويس اوي وهنحطه على الكبدة وننزل بالتوابل كلها وكمان معلقتين الخل وعصير الليمونة ونسيبها كده حوالي ساعة لحد ما تتشرب من التتبيله
  3. بعدين سلق المعكرونة عادي خالص
  4. ونعمل الصلصة نحط زيت في الحله وعليها الثوم يتحمر بسيط وننزل بنص ملعقة الشطة ده اختياري وبعدين ننزل بالطماطم المعصورة ونتبلها بملح وفلفل اسمر وبابريكا ورشه حبهان ونص ملعقة سكر ونسيبها تتسبك
  5. نرجع للكبدة نسخن الزيت اوي ونجيب طبق نخلط فيه البقسماط الناعم وكيس الڤيچتار ونغمس الكبدة فيه ونقلي وخلو بالكم لانها بتستوي بسرعه وتحمر
  6. وتقدم ساخنه مع المعكرونة او عيش وسلطة طحينة، وبالف هنا وشفا حبايبي، احبكم في الله 😍😍
عجبتك الوصفة؟
شوف كل وصفاتنا في مكان واحد
كل الوصفات →