→ كل الوصفات

كبدة دجاج

طريقة عمل كبدة دجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو كبدة
  • 1 بصلة كبيرة او تنتين حسب الرغبة
  • 3 ل 4 سنون ثوم
  • 1/2 كوب زيت زيتون
  • رشة ملح
  • رشة قرفة صغيرة صغيرة
  • رشة فلفل اسمر
  • رشة بهار مخلط
  • رشة كمون
  • معلقتين حامض
  • رشة بقدونس
  1. بنقع الكبدة عشر دقائق بخل وحامض بعدها بغسلهن وبصفيهن منيح
  2. بقلاي بقسم البصل طويل مع زيت زيتون بكتر الزيت شوي لتنو يذبل البصل
  3. بحط الثوم لتنو تطلع ريحة الثوم
  4. بس يبدا يعطي لون شوي عدهبي بحط الكبدة
  5. بقلبهن لتنو يعطي شوي لون للكبدة
  6. اسا بحط لبهارات الملح وفلفل اسمر وبهار مخلط وكمون وقرفة وبقلبهن تقريبا 3 ل 4 دقائق على نار شوي عالية
  7. بعدها بغطي عليهن على نار هادية مدة ربع ساعة وقبل منطفي عليهن بدقيقتين بحط عصير الحامض عليهن مع رشة صغيرة بقدونس وبعد دقيقتين بطفي عليهن
  8. وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →