→ كل الوصفات
والله من العيد فعلا مكسلة خالص اني اقف اطبخ ، فبعمل وصفات خفيفة كدة لحد لما ارجع افك تاني مع المطبخ ، المهم طلعت كبدة فراخ وقولت اعملها كبدة اسكندراني مع سلطة طحينة وشوية مخلل كدة وعيش مقلي وحاجة ساقعة وكانت زي الفل والله
المقادير
- ½ كيلو كبدة وقلوب مقطعين صغير
- ¼ كوب زيت
- م ك ثوم مفروم
- فلفل رومي او حار
- م ص من (ملح ، فلفل ، كمون ، كزبرة)
- 2 م ك خل
- عصير ليمونة
- طحينة مخففة بماء
- رشة من (ملح ، فلفل ، كمون ، كزبرة)
- عيش مقلي
- مخلل
- سفن اب
طريقة التحضير
- الكبدة : في طاسة احط الزيت واستني بما تسخن والزيت يسخن ، وابدا انزل الكبدة شوية بشوية واشوحها لحد لما لونها يتغير ،
- بعدين انزل بالثوم والفلفل والتوابل كلها واقلب كله مع بعضة لحد لما الكبدة تستوي والفلفل يدبل ، بعدين اضيف الخل والليمون واقلب واطفي وبس كدة ،
- الطحينة : اخلط كل مكونات الطحينة مع بعض وبس كدة ،
- قدمته مع عيش مقلي (عيش شامي مقطع وقليته في زيت ساخن وتبلته برشة ملح وفلفل) ،
- قدميه مع مخلل وحاجة ساقعة وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد