→ كل الوصفات
#احلى_كبده ممكن تعملوها وبتدي نفس طعم الكبده اللي بنجبها من بره ❤️ جربوها هاتعجبكوا جداً 😍
المقادير
- 1/2 كيلو كبده
- من 6 ل7 ملاعق كبار زيت
- 2 فلفل رومي اخضر
- 2 فص كبير ثوم
- معلقه كبيره خل
- معلقه صغيره كاري
- ½ معلقه بهارات لحمة او السبع بهارات
- 1/2 معلقه صغيره قرفة
- 1/2 معلقه صغيره فلفل اسود
- وملح حسب الرغبه
- حبه فلفل حار (اختياري)
- ليمون
طريقة التحضير
- هانقطع الكبده قطع رفيعه على اد مانقدر
- ومش بنغسل الكبده لأنها بمجرد مابتتعرض للنار بتتخلص من اغلب الجراثيم والميكروبات اللي فيها وكمان عشان تستوي كويس جربوها كده هاتعجبكوا جداً
- نقطع الفلفل ونفرم الثوم
- في طاسه على نار وسط هانسخن الزيت
- ننزل بالكبده في الزيت ونقلب
- بعد التقليب دقيقتين هاننزل بالثوم ونقلب
- ننزل بالفلفل المتقطع و الفلفل الحار
- وبعدين ننزل بالتوابل بالتدريج وأولهم الكاري
- ننزل بمعلقه الخل
- والملح اخر خطوه
- هاتاخد من ١٠ل ١٥ دقيقه سوي ونختبرها
- بعد ماتستوي ننزل بعصره ليمونه ودا (اختياري)
- تتاكل مع معكرونه بصلصه او رز بشعيريه او تتعمل سندوتشات وبس كده وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد