→ كل الوصفات
طريقة عمل كبده اسكندراني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو كبده شرائح
- عصير ليمونه
- معلقه سمنه صغيره
- 3 فص توم مهروس
- فنجان خل (4 ملاعق كبيره)
- بصله متوسطه
- حبايه فلفل اخضر
- فلفل الوان (اختياري)
- 1 طماطم صغيره
- رشه ملح وفلفل اسود
- 0.5 مكعب مرق دجاج او خضروات
طريقة التحضير
- الكبده مش بتتغسل خالص بتتصفا كويس من الدم ونقطعها مكعبات او شرايح رفيعه (عود كبريت او عصافير)
- وبعدين نحط عليها عصير الليمون والملح والفلفل ونسيبها عقبال ما نحضر باقي الحاجات
- ندق الثوم بالجرن (الهون) ونحط عليه الخل ونسيبه نص ساعه ونقطع الفلفل والبصل شرايح طويله والطماطم (جوليان)
- نجيب طاسه او حله غير قابله للزق ونحط السمنه وبعدين الكبده ونقلب لغايه ما شكلها يبان انها استوت
- بعدين نضيف التوم بالخل ونقلب لمده دقيقتين وبعدين نضيف البصل والطماطم والفلفل ومكعب المرق ونقلب كويس ونسيبها على نار هاديه خالص لغايه ما تستوي تماما.. (ممكن تحتاج ربع فنجان مايه وممكن لأ)
- بالف هنا 💞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد