→ كل الوصفات
#عيش_وملح #الحقوني
المقادير
- 1/2 كيلو كبده وقوانص فراخ
- 2 حبات طماطم
- ليمونه كبيره
- 4 فصوص ثوم
- بصله متوسطه
- ملح وفلفل اسود
- نصف ملعقه كسبره ناشفه
- 1/4 ملعقه صغيره كمون
- ربع ملعقه صغيره بابريكا
- 3 ملاعق زيت
- ملعقه صغيره من الجنزبيل /للنقع
- ملعقتين من الخل
طريقة التحضير
- تغسل الكبده والقوانص جيداً ثم تنقع فى ماء وملح وجنزبيل لمده نصف ساعه ثم تصفى جيدا دون غسل ونفتح بالسكين فتحات حتى تتشرب التتبيله وتنضج بسرعه
- تضرب الطماطم والبصل والليمون والثوم والخل مع التوابل فى الخلاط ثم تضاف على الكبده والقوانص وتترك فى التتبيله لمده ساعه على الاقل.ويفضل أن تترك ليله كامله فى التتبيله لمذاق افضل
- فى جريل ساخن على النار يسخن الزيت جيداً ثم ننزل بالكبده اولاـ على نار عاليه ثم نهدى النار وتقلب على الوجهين حتى تنضج وتأخد لون التحمير ثم ترفع حانباـثم ننزل بالقوانص بنفس الطريقه مع تهدئه النار جداً وتعطيها بغطاء حتى تنضج لأنها تحتاج وقت أطول من الكبده
- ترفع من على النار وترص بجانب الكبده على فرشه من البقدونس ثم نشعل قطعه من الفحم وتوضع فى منتصف الطبق وتنزل عليها بالدهون المتبقيه من القوانص ونغطى قليلاً حتى تأخد رائحه الشواء وتقدم بجانب ارز المشاوى أو الفريك وبالهنا❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد