→ كل الوصفات
#المريول_العالمي وصفتنا اليوم بكبد الدجاج بزاف بنين خاصة لي ميحبوش كبد لانو فيه ريحة زفار هدي طريقة تخلينا نتخلص منو
المقادير
- كبد الدجاج حسب أفراد العائلة
- حبة بصل صغيرة مقطعة جوانح
- فصين ثوم مفرومين
- قرن فلفل حار او فلفل الوان أصفر واحمر وفلفل حلو
- ملح
- ½ م ص فلفل اسود
- ½ م ص كمون
- ½ م ص قصير
- عصير نصف حبة ليمون
- م ص موتارد (خردل) (خردل)
طريقة التحضير
- بعد بسم الله في مقلاة نحط ملعقتين زيت نضيف البصل والثوم مقطع ونخليه يتقلا قليلا نضيف الفلفل حار مقطع ونقلب حتى يتكرمل البصل نحيهم (نبعدهم) وفي نفس المقلاة نضع ملعقة زيت الكبد نشوحو شوي في زيت نضيف الثوم مرحي فلفل حار مقطع جوانح ونقلب حتى تتحمر الكبد جيداً نضيف الملح والتوابل ونرجع البصل والفلفل لي كرملناه في الأول مع الفلفل نضيف عصير ليمون لي نكون فتحت فيه موتارد (خردل) نخليهم يتشربو حوالى دقيقتين على نار قليلة ونطفي
- الليمون راح يخلصنا من ريحة الزفر تاع الكبد
- تجي بزاف بنينة وسهية طيبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد