→ كل الوصفات

كبد وقوانص على طريقتي

طريقة عمل كبد وقوانص على طريقتي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو كبد وقوانص
  • 4 حبات بصل وسط
  • 4 حبات فلفل الوان
  • قرن حار
  • ملح
  • رشة فلفل اسود
  • رشة بهارات فراخ
  • رشة سماق
  • كاري
  • كركم
  • مكعب مرق
  • معلقة كبيرة صلصه
  • حبه واحدة طماطم
  • عشر فصوص ثوم
  1. اغسلى الكبد و وقوانص بدقيق وخل كويس جداً وبعدين سبيها في خل وليمون لمده ساعة
  2. هاتي حله حطى فيها مياه على النار تغلى
  3. اشطفى الكبد وقوانص وحطيها في المياه المغليه تغلى كام مره وصفيها واشطفيها وقطعيها قطع وسط
  4. هاتى طاسه حطى فيها معلقتين كبار سمنه وحطى عليها البصل قطع صغيرة
  5. ثم ضيفي عشر فصوص ثوم مهروس تتبدل حطى عليها حبه واحده طماطم قطع صغيرة ومعلقه صلصة وحطى عليها الكبد وقوانص
  6. وبعدين حطى عليها والفلفل قطع وسط وحطى عليها التوابل وحطى نصف كوب ماء وقلبيهم وغطيها
  7. لما تحسى ان المياه نشفت وسمنه بانت
  8. هاتى فحمه تكونى مجهزه حطيها ورقة فويل صغيرة وحطى عليها قطعه سمنه صغيرة وغطيها وبعدين شيلى الفحمه وقدميها وبالهنا
عجبتك الوصفة؟
شوف كل وصفاتنا في مكان واحد
كل الوصفات →