→ كل الوصفات

كبد وقوانص

طريقة عمل كبد وقوانص سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 0.5 كيلو كبد وقوانص فراخ
  • بصله مقطعه
  • فلفل أخضر مقطع
  • ملعقتين زيت
  • ملح وفلفل اسود
  • كزبرة ناشفة
  • ملعقة خل
  • بشر ليمونه
  • 2 كوب ماء
  • 0.25 ملعقة كمون
  • 0.5 معلقة ثوم مفروم
  1. هنحط كوبين الماء في حله على النار ونضيف عليها ربع ملعقة كمون صغيره وملعقة خل وبشر الليمونه ونسيبها تغلي
  2. هنغسل الكبد والقوانص كويس ونحطها في الماء اللي بتغلى ونسيبها 10دقائق علشان القوانص تستوي كويس وريحة الزفارة تروح منها
  3. هنخرجها ونسيبها تبرد ونضيف عليها نص ملعقة ثوم مفروم ني ونسيبها فيها
  4. في طاسه على النار هنضيف ملعقتين زيت ونضيف البصل والفلفل ونسيبهم لما يبتدوا يدبلوا
  5. هنقطع الكبد والقوانص شرائح صغيرة ونضيفها عالبصل والفلفل ونتبلها بالملح والفلفل الأسود والكزبرة وممكن نحط شطه أو قرن فلفل رومي حار لو عايزين
  6. هنقلبها شويه ونقدمها مع سلطة خضرا أو نعملها سندوتشات
عجبتك الوصفة؟
شوف كل وصفاتنا في مكان واحد
كل الوصفات →