→ كل الوصفات

كبسة الجزر والفليفلة

إضافة الفليفلة والجزر للكبسة بعطيها طعم راااائع ونكهة مميزة بإضافة الزبيب مع مجموعة البهارات 😋😋😍🥰

  • ½ دجاجة
  • كوبين أرز بسمتي
  • 3 أكواب ماء مرق الدجاج
  • حبة بصل
  • 3 سنون ثوم
  • 4 معالق زيت نباتي
  • 3 حبات بندورة
  • 3 حبات جزر
  • حبتين فليفلة حلوة
  • حبتين فليفلة حارة
  • ¼ كوب زبيب
  • ماء حسب حجم الطنجرة
  • معلقة زيت زيتون
  • بصلة
  • عود قرفة
  • حبة لومي
  • 10 حبات هيل
  • 3 ورقات غار
  • ½ معلقة فلفل أسود
  • معلقة بهارات كبسة
  • ملح حسب الرغبة
  • معلقتين زيت زيتون
  • معلقتين لبن
  • 4 معالق رب البندورة
  • ½ معلقة ملح
  • ½ معلقة بهارات عامة مشكلة
  • ½ معلقة فلفل أسود
  • ½ معلقة بهارات دجاج
  • رشة بهارات كيجن
  • لوز مقلي
  • زبيب
  1. نغسل الأرز وننقعه ساعة كالمعتاد ،، ثم ننظف الدجاج ونصفيه من الماء
  2. بطنجرة نضع الدجاج والماء و بهارات سلق الدجاج ،، ونترك الدجاج لمدة ساعة 《نضع الملح قبل الإستواء بربع ساعة》ثم نصفيه من الماء ونتركه حتى تتصفى بالكامل
  3. نقشر البصل والثوم ونفرمهم ثم نقلبهم بالزيت النباتي حتى الذبلان
  4. نقشر البندورة ونفرمها ناعم ثم نضيفها فوق البصل والثوم ونقلبهم 10 دقائق
  5. نقشر الجزر ونقطعه مكعبات ثم نضيفه فوق البندورة ونقلبه حتى يكون طري
  6. نغسل الفليفلة الحلوة ثم نقطعها لشرائح طولية ونضيفها مع التقليب
  7. نضيف الفليفلة الحارة ورشة بهارات كبسة ثم نضيف الأرز والزبيب وماء مرق الدجاج ونقلبهم جيدا
  8. نترك الطنجرة على نار عالية حتى الغليان نتركها على نار هادية حتى نضج الأرز
  9. نجهز خلطة لندهن الدجاج قبل وضعه بالفرن ،، بخلط جميع المكونات معا ثم ندهن الدجاج ونضعه بصينية ثم ع الفرن تحت الشواية حتى يتحمر
  10. نسكب الأرز بطبق التقديم ونزينه بالدجاج المحمر واللوز المقلي والزبيب
  11. وصحتييييين وعاااافيييية
عجبتك الوصفة؟
شوف كل وصفاتنا في مكان واحد
كل الوصفات →