→ كل الوصفات

كبسة الدجاج علي طريقتي بطعم ولا احلي

طريقة عمل كبسة الدجاج علي طريقتي بطعم ولا احلي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • دجاجه مقطعه ارباع
  • 0.5 كيلو رز بسمتي
  • جزرايه كبيره مبشوره
  • بصلتين مبشورين
  • قرن فلفل اخضر مقطع ناعم
  • طماطمايه مقطعه ناعم
  • معلقتين سمنه
  • زيت
  • ملح وفلفل
  • توابل الكبسه (ليمون ناشف وعيدان قرفه وقرنفل وبهارات كاري وزنجبيل
  • مكعب مرقه
  • معلقه صغيره توم مفروم
  • مكسرات حسب اللي تحبيه
  1. بنغسل الدجاجه كويس اوي بالليمون والخل والدقيق
  2. نشوح الدجاج في معلقتين زيت ومعاهم بصله مبشوره لما يبدأ يلون نحط الفلفل الاخضر والطماطم ورشة فلفل اسمر وبهارات
  3. لما تاخد لون دهبي نحط حوالي لتر او لتر ونص ميه ولما تغلي نهدي النار ونسيبها تستوي
  4. لما تستوي نصفي الدجاج ونجيب حله نحط فيها معلقة سمنه وشوية زيت ونحط بصلايه مبشوره ونقلب لما تدبل نحط مكعب مرقه والجزر المبشور والتوم ونقلب لما يتجانس
  5. نحط 4 اكواب كبيره شوربه ولما تغلي نحط الرز ونسويه عادي
  6. نجيب طاسه نحط فيها معلقة سمنه وشوية زيت ونحمر الدجاج وفي نفس السمنه نحمر المكسرات لو حطيتي زبيب انقعيه في ميه لمدة نص ساعه
  7. في طبق التقديم نحط الرز وعلي وشه الدجاج والمكسرات وبالهنا
عجبتك الوصفة؟
شوف كل وصفاتنا في مكان واحد
كل الوصفات →