→ كل الوصفات
طريقة عمل كبسة الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- افخاد دجاج
- 1 كيلو كبسة
- حبتين بندورة
- 4 حبات فلفل اخضر
- بصلتين
- بهارات كبسة عبارة عن
- كاري
- كركم
- ملح
- فلفل اسود
- مرقة دجاج ماجي
- ورح نحتاج لصلصة الدجاج
- ثوم مهروس
- ملح
- ملعقتين دبس فليفلة
- ملعقة دبس بندورة
- ملعقة لبن
طريقة التحضير
- اول شي منسلق الدجاج نص سلقة وبعدا منطالع الدجاج اما مرقة الدجاج رح نستعملا لطبخ الرز
- تاني شي رح نتبل الدجاج بالصلصة ونحطو بالفرن لحتى يحمر
- بالنسبة لطريقة الرز اول شي منقطع البندورة والبصل والفلفل كل واحد لحال وبحط زيت والبصل بالطنجرة ومنهوس البصل بعدا بحط الفلفل لحتى يغمق لونو شوي بعدا منضيف البندورة وبقلبهن مع بعض لحد ما تستوي
- بعد ما تستوي البندورة مع البصل والفلفل رح ضيف ماء طبعا هي مرقة الدجاج اللي سلقناه فيها وبعدا بضيف البهارات
- لما بشوف بلشت تغلي المرقة بضيف الرز وبحركو تحريكة خفيفةوبهدي النار عليه وبغطيه لمدة ربع ساعة وبطفي عليه
- لطريقة التقديم بسكب الكبسة بصحن كبير او حسب الرغبة وبعدا بحط الدجاج المحمر عليها والتزيين حسب الرغبة وبالعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد