→ كل الوصفات
طريقة عمل كبسة الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- دجاجتين كاملين(الدجاج عنا حجمو صغير)
- 4 كاسات رز بسمتي
- بصلة متوسطة الحجم
- حبة فليفلة خضرا
- حبة جزر
- حبة بندورة متوسطة الحجم او ملعقة صغيرة دبس بندورة
- مكعب ماجي
- سمنة وزيت نباتي
- بهارات (ملح فلفل بابريكا بهار دجاج بهار كبسة كاري كركم بهارات مدخنة)
- مطيبات الدجاج (قرنفل زنجبيل هيل ورق غار فلفل حب عود قرفة بصلة صغيرة)
- فحمة للتدخين
طريقة التحضير
- لسلق الدجاج نغسل الدجاج جيداً بالماء ونتركه على النار لتطلع الزفرة (الغتوة) ولازم نشيلا كل ما تطلع
- نضيف المطيبات والبهارات على الدجاج (مذكورة بالمقادير) ونغطي عليه حتى تمام الاستواء
- عند الاستواء نضعه في صينية للفرن مدهونة بالقليل من الزبدة مع تتبيلة الدجاج للتحمير(ملعقة صغيرة زيت زيتون بهار كبسة كاري كركم فلفل فص ثوم كبير مدقوق ملعقة كبيرة دبس بندورة ملعقة كبيرة مايونيز عصير نص ليمونة مرق الدجاج المسلوق)
- لطبخ الرز: نقطع الفليفلة والجزر والبصل والبندورة ناعم بالفرامة الهدف النكهة مو الشكل ونطبخهم مع السمنة والزيت (ثلث رباع استواء)
- نضيف الرز المغسول والمنقوع فوق المكونات نضيف البهار المذكورة بالمكونات بكميات قليلة لأنو نحنا حاطين مع مرقة سلق الدجاج نضيف مرقة الدجاج ليصير فوق الرز بمقدار سلامة اصبع(انا مابعير ماء)😇
- اثناء طبخ الرز نجهز الدقوس والصوص الحار للتقديم مع الكبسة انا مابحب بالصيف المرقة جنب الكبسة بتشوب😇
- طريقة الدقوس: نضع بالفرامة حبتين بندروة حبة بصل ملح فلفل بابريكا زيت زيتون
- طريقة الصوص الحار: نضع بالفرامة حبة فليفلة خضرا حلوة حبة فليفلة حدة سن ثوم حبتين بندورة ربع جرزة بقدونس ملح بهار كبسة زيت زيتون عصير ليمونة
- عند استواء الدجاج والرز نحمي فحمة اركيلة ونضعها بقلب طنجرة الرز على ورقة قصدير وتحتها شرحة بصل وبحط شوية زيت عالفحمة وبسكر الطنجرة فورا بتركا ١٠ دقائق لتاخد نكهة الفحم ونكرر نفس العملية للجاج
- النتيجة النهائية للرز والدجاج وصحة وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد