→ كل الوصفات

كبسة الدجاج

طريقة عمل كبسة الدجاج سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 4 قطع دجاج منقطعهم
  • 3 اكواب رز بسمتي
  • راسين بصل
  • 6 سنون تومه
  • 0.25 كوب زيت نباتي لنحوس فيه البصل والتومه مع الدجاج
  • حبتين بندوره
  • 0.5 ملعقه صغيره كركم
  • ملعقه كبيره بهارات كبسه
  • 0.25 ملعقه صغيره فلفل اسود
  • ملعقه صغيره ملح
  • مكعب ماجي
  • ملعقه كبيره بابريكا حمرا حلوه
  • ملعقتين كبار صلصة البندوره لسلق الدجاج
  • رشة هيل
  • 5 اكواب ماء كبار
  • كوب من مرقة السلق الدجاج بعد ما يستوي لحتى نتبل فيه الجاجه
  • لوز والزبيب
  • 0.25 كوب زيت نباتي لنتبل الدجاج فيه
  • ملعقتين كبار صلصة البندوره لنتبل فيه الدجاج
  1. اول شي مننقع 3 اكواب رز بسمتي بماء ساخن لمدة نصف ساعه ومنحط الرز على جنب
  2. في طنجره منقطع راسين بصل و 6 سنون تومه مربعات صغيره ومنضيف عليهم ربع كوب زيت نباتي ومنحط عليه الدجاج بعد ما انقطع الجاجه اربع قطع ومنغسلها ومنحطها في طنجره الى فيها البصل والتومه لحتى يوخد الدجاج النكهه
  3. وبعد هيك منضيف حبتين بندوره اتكون مربعات صغيره ونصف ملعقه صغيره كركم ملعقه كبيره بهارات كبسه ربع ملعقه صغيره فلفل اسود ملعقه صغيره ملح مكعب ماجي ملعقه كبيره بابريكا حمرا حلوه ملعقتين كبار صلصة البندوره و رشة هيل 5 اكواب ماء كبار ومنخليهم يغلوا وبس يغلوا منوطي النار لحتى يستوي الدجاج وبعد هيك منشيل الدجاج ومنحطه في صينيه ومنتبله بربع كوب زيت نباتي وملعقتين كبار صلصة البندوره ونصف كوب من مرقة السلق الدجاج ومنخلطهم مع بعض كويس ومنتبل الدجاج فيهم ومنحمرهم بالفرن على الوجهين
  4. اخر شي منغسل الرز ومنحطه على مرقة السلق ومنطبخهم اول شي على نار عاليه لحتى يغلوا وبعدين منوطي عليه النار لحتى يستوي على نار هادئه
  5. ويقديم ويزين بالشكل الى بتحبوه انا زينه باللوز والزبيب
عجبتك الوصفة؟
شوف كل وصفاتنا في مكان واحد
كل الوصفات →