→ كل الوصفات

كبسة بالدجاج

#الشيف_الذهبي

  • دجاج حسب الرغبة
  • 1 كيلو او 5 خمس كاسات رز طويل
  • 2 حبات بندورة مقطعة قطع صغيرة
  • ¾ الكاسة زيت ذرة
  • 6 حبات لومي
  • 1 ملعقة ونصف دبس بندورة
  • ½ ملعقة صغيرة زنجبيل
  • 4 ورق غار
  • ½ ملعقة صغيرة كركم
  • ½ ملعقة صغيرة فلفل اسود
  • 3 حبات كبش قرنفل
  • 7 حبات هيل
  • 1 ملعقة صغيرة بهارات عادية السبع بهارات
  • ½ ملعقة صغيرة كاري
  • قطع صغيرة بصلتين وسط مقطعين
  • 7 حبات توم مشروحين شرحات رفيعة
  • 2 فليفلة خضراء مقطعة قطع صغيرة
  1. .... بسم الله الرحمن الرحيم
  2. منحط الزيت والبصل والتوم منحركهن سوا شوي بعدين منحط الفليفلة وبس تدبل الفليفلة منحط البندورة ودبس البندورة والبهارات كاملة ماعدا حبات اللومي
  3. بس تدبل الخضرة كلا منحط الدجاج ومنقلبون سوا بعدين منحط لترين مي دافية بعدين منحط اللومي وبس تطرا منعمل ثقب بالسكين مشان تطلع طعمتها وبس تغلي منزبط الملح ومنتركها حوالي نص ساعة للساعة ومنتأكد اذا استوى الدجاج
  4. بس يستوي الدجاج منحطن بصينية الفرن ومندهن الوجه بدبس بندورة مع شوية مرقة ومنحطن بالفرن ليحمر الوش
  5. منسقط الرز بمرقة الدجاج لازم تكون المي مغطي الرز بحوالي ١سم واذا اقل فينا نصيف مي دافية للمرقة اذا احتجنا ومنتركن ع نار هادية بعدين منسكب الرز ومنحط الدجاج ع الوجه
  6. منحط كاجو او اي نوع مكسرات للتزين مع معلقتين صغار سمنة ومنحطن ع الرز والف عوافي 😋😋
عجبتك الوصفة؟
شوف كل وصفاتنا في مكان واحد
كل الوصفات →