→ كل الوصفات
يقدم سلطة خضرة لبن او لبن بخيار حسب الرغبة
المقادير
- 1 صدر دجاج
- كاستين رز حبة طويلة
- حبة فليفلة حمرا وحبة خضرا وحبة صفرا مفرومين ناعم
- 1 جزرة
- 1 بصلة مفرومة ناعمة
- ثوم مفروم ناعم
- 2 بندورة مفرومة ناعم
- ملح حسب الرغبة
- بهارات كبسة ملعقتين اكل كبار
- بهارات صحيحة ( قرنفل ، ورق غار ، هيل ،لومي ، عود قرفة
- معلقتين اكل زيت
- مكسرات للتزيين
طريقة التحضير
- بعد مانغسل صدر الدجاج منيح بالخل والملح وينظف منشرحو من النص لشرائح ماتكون رقيقة ولا سميكة وسط منجيب طنجرة منحط فيها زيت وبس يسخن كتير منيح منزل شرائح صدر دجاج ومامنوطي الغاز ابداً ومنزل فوقهن المطيبات ومنخلي صدر دجاج ياخد لون من جهتين لاتحركو ابدا لياخد لون من جهة بينقلب ع جهة تانية بعدين بس ياخد لون الدهبي الحلو
- مننزل بالفليفلة الالوان والبصل والتوم والبندورة وجزر طبعاً كلن مفرومين نااعم وجزرة مبروشة برش ومنزل عليهن المي لكل كاسة رز كاسة ونص مي منخليهن يغلو مع بعض ليتسبكو منيح منزل الرز المغسول منيح من نشا ومصفا على المكونات ومنحط البهارات يلي كاتبتا فوق بعدين بس يغلو منهدي الغاز على اهدا شي على جنب منكون مقليين مكسرات للتزيين مع معلقة سمنة
- منسكب الرز ومنضيف المكسرات وصحتين والف هنا جربوها على طريقتي كتير طيبة بنصحكن فيها وصحتين والف عافية😋😍🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد