→ كل الوصفات
معشوقة الجماهير 💖💖#سوريتي_هويتي💖💖
المقادير
- دجاجه كاملة مقطعة
- كيلو رز كبسة بستعمل الشعلان👍
- بصلتين حجم وسط
- 4 حبات بندورة حمرة مستوية
- قرنين فليفلة حمرة حارة
- معلقتين طعام ملح
- كوب زيت مازولا
- معلقتين بهار الكبسة ومعلقة كركم ومعلقة صغيرة سكر
- ورق غار واعواد قرفة وحب هيل وقرنفل
- معكبين مرقة الدجاج ماجي
- لوز محمص للزينه او شو بتحبو وبتفضلو على ذوقكن
طريقة التحضير
- أول شي بغسل الفروج وبتقعو بالخل والملح ساعتين برجع بغسلو وبسلقو بعد ماتطلع الزفرة بشيلا وبضيف عليه أعواد قرفة وحب هيل ورق الغار والقرنفل ومعلقة ملح متوسطه
- بعد مايستوى بشيل الفروج من الماء وبعملو الخلطه للتحمير ملعقة لبن ومعلقة دبس بندورة ومعلقة صغيرة بهار كبسة وفنجان زيت مازولا وبدهن الفروج وبفوتو على الفرن وبراقبو مشان مايحترق بحط بأرض الصينية كاسة زيت مازولا
- بفرم البصل ولفليفلة ناعم وبقلبهن عالنار مع الزيت المازولا وبكون فارمة البندورة كتير ناعم او على البشارة وبس يدبل البصل ولفليفلة بضيف البندورة لتستوي تمام وتعقد بضيف معلقتين بهار الكبسة ومعلقة كركم ومعلقة صغيرة سكر وبحرك ليتجانس مع بعضو تمام بضيف مية الفروج ومكعبين الماجي ومعلقة ملح وبس صارت تغلي بكون غاسلة الرز كتير منيح من مية النشا وبضيفو فوقها وبس يغلي وقربت تنشف ميتو بهدي عليه عالآخر وبغطي ليستوي بكون محضرة اللوز لمحمص وبسكب الكبسة بالمنسف وبضيف قطع الفروج على وجه الكبسة واللوز لمحمص وبزينها
- بحضر جنبها الشطه اربع حبات بندورة حمرة مستوية وقرن فليفلة أحمر او اخضر حار وسنين ثوم وملعقة صغيرة ملح وملعقة صغيرة ملح ليمون وبضربهن على الخلاط وصحتين وألف هنا طلع لونها فاهي لأن البندورة لونها مو احمر متل مابدي بس طعمتها كتير طيبة 👍🌹🌹
- اللوز اذا كان بقشرو بغلي ماء وبغمرو فيها وبغطي ربع ساعة بصير قشرو كتير سهل انا مجهزتو من قبل بوقت ومنشفتو وشايلتو بالفريزة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد