→ كل الوصفات
طريقة عمل كبسة بالفراخ والسكر المكرمل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فرخة مخلية من العضم
- ½ كيلو رز بسمتي
- ضعف كمية الرز ماية
- بصل مبشور او ماية بصل حسب الرغبة لتتبيل الفراخ
- بصلة مبشورة
- ملح فلفل اسود بهارات توابل كبسة كسبرة ناشفة ورق لورا حبهان قرفة
- كركم
- عدد 2 طماطم مبشورة
- لمون
- خل
- 3 معلقة كبيرة سكر
- مكعبين مرقة دجاج
- زيت لتحمير الفراخ
- معلقة سمنة
طريقة التحضير
- هنتبل الفراخ زي البانيه بالظبط بالبصل بملح وتوابل وخل ولمون ونسيبها في التتبيلة دي اطول وقت ممكن
- هنحمر الفراخ في الزيت بعد ماننفضها من البصل كويس وهنطلعها علي مصفاة ونسيبها علي جنب
- هناخد الزيت اللي حمرنا فيه الفراخ ونصفيه ونضيف عليه معلقة سمنة ونشوح فيه البصلة تدبل بس هنضيف عليها الطماطم المعصورة والتوابل المكتوبة كلها
- هنسيبهم يتشوحوا دقيقة ونضيف الفراخ ونسيبها وبعدين نكرمل السكر في حلة ولما يسيح ننزل عليه بضعف كمية الرز ماية يغلي هنضيفه علي خليط البصل والفراخ يغلي ١٠ دقايق ونضيف الرز ونسيبه يستوي وبالهنا❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد