→ كل الوصفات
جربتا وطلعت كتير طيبة اول مرة بعملا بصدورة فعلا طعمتا طيبة كتير
المقادير
- كيلو صدور دجاج
- كاستين ونص كبار رز بسمتي بيطلعو شي 650 غ
- 3 حبات بندورة مقطعين مكعبات صغيرة
- وحدة فليفلة صفرا مقطعة مكعبات صغيرة
- بصلة مقطعة مكعبات صغيرة
- جزرة مبروشة
- معلقة دبس بندورة
- معلقة كبيرة بهارات كبسة
- ملعقة صغيرة فلفل اسمر
- مكعبين ماجي
- معلقة ملح
طريقة التحضير
- منحط البصلة مع سمنة او زيت لحتى تذبل شوي منحط صدور الدجاج منتركن ٣ دقايق وبعدين منحط الفليفة والجزر والبندورة ومنحركن سوا ومنتركن ينطبخوا سوا منيح لحتى تستوي المكونات وبس تستوي منحط معلقة دبس البندورة ومنحركن شوي ومنغطيهن ٣ دقايق
- منحط ماء كاستين ونص من نفس كاسة الرز اللي عيرنا فيها ومنحط البهارات والماجي والملح ومنتركن ليغلو سوا ويتعقدوا
- بعدين منحط الرز منقلبن تقليبة ومنغطي الطنجرة بس لتنشف شوي الماء منخفف تحت الرز لحتى يستوي ومنكه الرز بمعلقة سمنة حيواني اخر شي حسب الرغبة
- وفيكن تزينو بمكسرات بس انا ماكان عندي 😁 وصحتين والف هنا 🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد