→ كل الوصفات
#صدقة_جارية #الشيف_الذهبي #جددت_وصفتي
المقادير
- حبتين دجاج وزن 1200 مقطعه ارباع
- 7 كاس رز (استخدمت ابو كاس عنبر)
- بصل مقطع اجنحة
- مكعبات بطاطس مقطع
- شرائح فلفل رومي
- فنجان زبيب
- مكسرات محمصه
- بهارات صحيحة : ورق غار وقرفة وهيل و مسمار
- ملح
- فلفل اسود
- كمون
- كزبرة
- بهار دجاج
- ثوم بودره
- قرفه
- فلفل ابيض
- 1/2 كوب زيت
- ملعقتين كبار سمن
- فنجان ماي كادي
- نكهة البرياني ماركة تايغر او اي ماركة اخرى
- ملون طعام صفار الزعفران
- قرفه
- بهار دجاج
- كركم
- زعفران
- ليمون اسود مطحون
طريقة التحضير
- قطعت الخضار بهالشكل
- في قدر على النار اضفت فنجان زيت و ملعقة سمن و قليت البصل لين تحمر (الافضل ذهبي)
- اضفت له الزبيب وقلبته لين تغير حجم الزبيب شلت الكشنه من القدر وحطيتها على ورق نشاف و استخدمت الزيت
- قليت البطاطس بالقلاية الهوائية و اضفته للكشنة
- بالزيت نفسه اللي قليت فيه البصل اضفت فلفل رومي وبهارات صحيحة
- غسلت الدجاج وقطعته
- اضفت الدجاج بالقدر بعد ماطلعت ريحة البهارات وقلبته لين يتغير لونه يميل للابيض
- اضفت البهارات المكتوبه ماعدا الملح
- قلبته زين وغمرته بالماي و تركته لين ينضج وصفيته ب صينيه فرن
- تتبيلة الدجاج : فنجان من مرقة الدجاج اضفت لها زعفران وكركم و بهار دجاج و قرفه وليمون اسود مطحون ومسحت الدجاج وحمرته
- غسلت الرز ونقعته ب موية وفنجان خل نص ساعه وصفيته من الماي
- في قدر على النار اضفت فنجان زيت و ملعقه سمن واضفت لهم الرز وقلبته لين تغلفت الحبات بالزيت اضفت كوب من مرق الدجاج وكوبين ماي و اضفت الملح و نكهة البرياني و ماي كادي و عليت ع النار لين نزل مستوى ماي النضج اضفت صفار الزعفران و الكشنة وغطيته بالقصدير على نار هادئة ٢٥ دقيقه
- وقت الغرف شلت الكشنة و الرز الملون و غرفت باقي الرز بالصحن
- حطيت الرز الملون ع الوجة وبعده الكشنة والدجاج و زينته بالمكسرات و الخيار والليمون
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد